Iyohaichish 6 - Ashiri Aeuitaknup Iyohaichish Yona 1897

6. Iyohaichish.

Sheminit gusu an, Nikinot esapane guru gusu, Dabid kara Iyohaichish.

¹ AA Ehoba, iteki irushka wa en pakashnu wa en kore, Iteki seisek no irushka wa en panakte wa en kore.

² Aa Ehoba, son no ku ramu-nin ruwe ne gusu, pirika irenga sange wa en kore; Aa Ehoba, ku pone chiukopoye wa an gusu en iwangere wa en kore.

³ Ku ramat ne yakka shi no chiukopoye wa an ruwe ne; Aa Ehoba, Aokai anak hembara pakno ruwe?

⁴ Aa Ehoba, hoshipi wa ku ramat honnere wa en kore; E koro omap an ramuhauge ambe gusu en kashiobiuki wa en kore.

⁵ Inambe gusu ne yakun, rai-i otta E eshkarun ushi isama; Sheo otta E koyaiiraige ki guru nen ne ruwe be an?

⁶ Ku nuwap gusu ku shingi, An ebitta ku goro shotki amare; Ku nupe ani ku goro shotki apenere ruwe ne.

⁷ A en kinrakara wa an gusu ku shikihi nin; En ramushitnere utara okai gusu ku onne ruwe ne.

⁸ Irarape iki utara, en samake wano oyakta paye yan; Ehoba anak ne ku ki raiyaiyaise hawe nu nisa ruwe ne gusu ne na.

⁹ Ehoba ku ki koramkor-i nu nisa ruwe ne; Ehoba anak ne ku ki inonno-itak uk kusu ne.

¹⁰ En epokba utara anak ne obitta ayainikoroshmare wa shi no achiukopoyere kusu ne: Nei utara hoshippa wa ekushkonna ayainikoroshmare kusu ne na.