Iyohaichish 58 - Ashiri Aeuitaknup Iyohaichish Yona 1897

58. Iyohaichish.

Shinotcha esapane guru gusu: Ar-tashhet otta. Dabid karape: Miktam.

¹ SON no newa echi utara anak ne mo no an wa oupekap ye ya? Utara koro poho utara oupeka no echi koipishi ya?

² Ruwe un, keutum ta wen-buri echi ki; Echi koro teke ta okai niwenbe moshiri otta pakari wa kore ruwe ne.

³ Wen utara anak ne honi wano sap orowa no ehaita, Shiko chiki nani ru turainu wa shungep ye ruwe ne.

⁴ Koro surugu anak okokko surugu nepkoro ne: Koro kisara seshke ru-o ashpa guru ukorachi ne;

⁵ Nei ambe anak ne rotchare guru koro hawe shomo nu, Nekon a wayashnu no ki yakka shomo nu ruwe ne.

⁶ Aa Kamui, nei utara koro paroho ta okai nimakihi kaye wa en kore: Aa Ehoba, nei upen shishi koro poro nimaki kaye wa en kore.

⁷ Tunashino pash wakka nei no nei utara ninka wa en kore: Koro ya eoshikpekare ita aotuye korachi ne kara wa en kore.

⁸ Nin wa isam shimaimai nei no kara yan: Tokap nukara shomoki shiwentep chup-etunash hekaturep nei no kara wa en kore.

⁹ Echi koro shu ai-ush-ni abe ani aseisekka etokota, Nei fu ambe newa uhuye wa an ambe newa ukotura rerashiu ani aisamka kusu ne na.

¹⁰ Nei ikemnu ambe oupeka guru nukara chiki nupetne kusu ne: Wen utara koro kemihi ani koro chikiri furaye kusu ne.

¹¹ Yakun, utara ene itak kusu ne, “Son no newa, oupeka utara gusu iwayehe an: Son no newa, moshiri koipishi Kamui an ruwe ne”, ari itak kusu ne na.