Iyohaichish 56 - Ashiri Aeuitaknup Iyohaichish Yona 1897

56. Iyohaichish.

Shinotcha esapane guru gusu. Jonat erem rehokim otta. Gat kotan ta Piristia un utara kishima ita Dabid karape: Miktam.

¹ AA Kamui, ainu anak ne en ruki rusui gusu, pirika irenga sange wa en kore: Ramme-to shinuma koiki wa en ramushitnere ruwe ne.

² Iorun shiktokoko utara ramne-to en ruki rusui ruwe ne; Pakesara wa en koiki utara inne ruwe ne gusu ne na.

³ Ku ishitoma ita Aokai gusu ku eyaikopashte ash kusu ne na.

⁴ Kamui otta Shinuma koro itak ku reika kusu ne: Kamui ku eyaikopashte nisa; ku ishitoma shomoki kusu ne: En orun ham anak ne hemanda ki eashkai ya?

⁵ Ramne to nei utara anak ne ku ye itak eukopa ruwe ne: Nei utara koro obitta no okai yainu-hi anak ne en wende gusu an ap ne.

⁶ Uwekarapa wa yainuina, Ku oman-i orun ingara, En raige kuni chipachipa nisa ruwe ne na.

⁷ Nei utara irarape ki wa gusu shomo apanakte ruwe? Aa Kamui, kinrakara hine uirup utara rapte wa en kore.

⁸ Aokai anak ne ku keshirikari ambe nukara:. E kotʼtokkuri otta ku nupe omare wa en kore; Nei ambe anak ne E koro kambi kata anuye wa an shomoki ruwe be an?

⁹ Orowa, ku nishuk toho ta en epokba utara anak ne ahoshippare kusu ne: Tap ambe ku eraman, Kamui tura no an ruwe ne gusu ne na.

¹⁰ Kamui otta Shinuma koro itak ku reika kusu ne; Ehoba otta Shinuma koro itak ku reika kusu ne na.

¹¹ Kamui ku eyaikopashte nisa, ku ishitoma shomoki kusu ne; En orun ainu anak ne hemanda ki eashkai ya?

¹² Aa Kamui, E koro uitaknup anak ne en kashiketa okai; Yaiiraige an ayange kunip E orun ku yange ash kusu ne na.

¹³ Inambe gusu ne yakun, Aokai anak ne rai-i orowa no ku ramat ohaitare: Shiknu oma pekere otta, Kamui kotchaketa ku apkash kuni ne Ku chikiri shomo hachiri kuni gusu seenne aki ya?