Iyohaichish 52 - Ashiri Aeuitaknup Iyohaichish Yona 1897

52. Iyohaichish.

Shinotcha esapane guru gusu. Dabid kara Maskir: Edom un Doeg Sauros nure wa, Dabid ahab ne Ahimerek kot chisei ta an sekoro ye ita.

¹ AA kiroro-ashnu guru, nep gusu eani wenbe gusu yaiomonnure ya? Kamui rampoken ramma an ruwe ne.

² E koro parumbe anak ne shi no wenbe oshke ruwe ne; Een makiri korachi ne, kokandama wa iki ruwe ne.

³ Pirikap kasu no eani wenbe omap ruwe ne, Sonep ye kasu no shunge e konoburu ruwe ne. [Sera.]

⁴ Aa shunge parumbe, Eani anak ne isamka kuni itak omap ruwe ne.

⁵ Nei no korachi Kamui anak ne ramma pakno e isamka kusu ne, Shinuma e kishima wa e koro kash wano e etaye, Shiknu pito koro moshiri wano e risei kusu ne na. [Sera.]

⁶ Orowa, oupeka utara nei ambe nukara wa ishitoma, Shinuma gusu mina wa ene itak kusu ne:—

⁷ Ingara, tambe anak Kamui ani yaikota koro chashi ne shomo kara gunʼ ne, Koroka, shinuma anak ne koro ikoro poro wa gusu otta eyaikopashte, Shinuma anak wen yainu-hi gusu okirashnu ruwe ne, sekoro itak.

⁸ Koroka, Kuani gusu — Kamui kora kenru ta an fukinani kanran chikuni ku koheraye ruwe ne: Ramma pakno Kamui rampoken ku eyaikopashte ruwe ne.

⁹ Aokai anak ne tap iki gusu, ramma pakno E iramye ash kusu ne: E koro omap an utara shik-samata, E reihei gusu ku chipachipa kusu ne; nei ambe pirika ruwe ne gusu ne na.