Iyohaichish 51 - Ashiri Aeuitaknup Iyohaichish Yona 1897

51. Iyohaichish.

Shinotcha esapane guru gusu. Batsheba orun omna okaketa, orota uweingara guru ne Natan ek ita, Dabid kara iyohaichish.

¹ AA Kamui, E koro omap-an-ramuhauge-hi an korachi, en orun pirika irenga sange wa en kore: E koro poro ramuhauge irenga an gusu ku ohaitarep ushka wa en kore:

² Ku goro wen-buri gusu ara en furaye wa en kore, Ku goro katpak gusu en ashkannere wa en kore.

³ Kuani ku ohaitarep ku eraman: Ku katpak anak ne ku shik-samata okai ruwe ne.

⁴ Aokai epeka no, ouse Aokai epeka no katpak ku ki nisa, Orowa, E shik-samata wenbe ku ki nisa: Aokai anak ne itak ye ita oupeka no aesanniyo kuni gusu, Aokai koipishi ita turu-sak no an kuni gusu an ruwe ne gusu ne na.

⁵ Wen-buri an wa a en shikore na, Wen-buri an wa ku goro habo shinnai kat iyeunu nisa ruwe ne.

⁶ Aokai anak ne keutum ta okai son no ambe nukan rusui ruwe ne, Orowa, nuina wa an ushiketa en wayashnure kusu ne.

⁷ Hissop ani en ashkannere wa en kore, yakun, ku turu-sak kusu ne. En furaye wa en kore, yakun, upas kasu no ku retara kusu ne na.

⁸ Aokai kaye ponehe anak ne anupetnere kuni gusu, Nupetne ambe newa yaikopuntek ambe en nure wa en kore.

⁹ Ku katpak otta E nanuhu seshke, Ku wen-buri obitta isamka wa en kore.

¹⁰ Aa Kamui, en gusu turu-sak sambe kara wa en kore, Orowa, en onnaigeta utumashi shomoki keutum ashin no kara wa en kore.

¹¹ E shik-sam wano iteki en emaka wa en kore; Shui, en orowa no iteki E koro Ashkanne ramat uk wa en kore,

¹² E koro kashiobiuki-hi gusu an nupetne ambe kannashui en kore: Orowa, irenga an ramat ani en nitata wa en kore.

¹³ Yakun, ohaita ki utara otta E ruhu ku epakashnu; Orowa akokatpak utara E orun ahoshippare kusu ne na.

¹⁴ Aa Kamui, en kashiobiuki Kamui, keukbe orowa no e en ohaitare wa en kore; Yakun, ku parumbe anak ne E koro oupeka ambe gusu rui no shinotcha ki kusu ne na.

¹⁵ Aa Utarapa, ku papush maka wa en kore; Yakun, ku paro anak E ramye ash kusu ne.

¹⁶ Aokai anak ne ayangep gusu shomo enupetne, enupetne chiki akore kusu ne; Uhuyeka ayangep Aokai anak ne shomo enupetne ruwe ne gusu ne na.

¹⁷ Kamui ayange kunip anak ne oknatara keutum ne: Oknatara newa yaikokatpak an keutum, Aa Kamui, Aokai shomo etunne kusu ne na.

¹⁸ Aokai rengaine Zion orota pirikap ki wa en kore; Yerusarem koro chashi roshkire wa en kore.

¹⁹ Yakun, Aokai anak ne oupeka-hi ari an ayangep, ramne an uhuyeka ayangep, enupetne kusu ne: Orowa, E yange-set kata beko yange kusu ne na.