Iyohaichish 50 - Ashiri Aeuitaknup Iyohaichish Yona 1897

50. Iyohaichish.

Asap kara iyohaichish.

¹ KAMUI, chikoro Kamui ne Ehoba anak neitak sange, Chupka wano chuppok pakno moshiri konishuk nisa ruwe ne.

² Iyotta shiritokbe Zion orowa no Kamui kiai atte nisa ruwe ne.

³ Chikoro Kamui ek wa son no mo no an shomoki kusu ne Shinuma kotchaketa isamka abe an, Shinuma okari ta rerashiu hetuku wa an na.

⁴ Shinuma anak ne koro utara koipishi kuni ne, Rik orowa no kando orun hene toitoi orun hene hawe ash ruwe ne:

⁵ Ayangep koro wa En tura uitaknup ashte, Ku goro ashkanne utara En orun uwekarapa yan.

⁶ Orowa, kando anak ne Shinuma koro oupeka ambe assuru ashte, Kamui yaikata anak koipishi ki Kamui ne ruwe ne gusu ne na. [Sera.]

⁷ Aa ku goro utara, nu yan, yakun, ku itak kusu ne; Aa Israeru, eani gusu paweteshu ku ki kusu ne: Kamui, e koro Kamui Ku ne ruwe ne.

⁸ E yangep gusu shomo ku pakashnu ash na; Ruwe un, e koro uhuye yangep ramma en kotchaketa an ruwe ne.

⁹ E kot chisei wano shine beko hene, E koro chikoikip topaha wano shine pinne yangi hene shomo ku uk na.

¹⁰ Kim ta okai chikoikip pishno ku korobe ne, Inne nupuri kata okai chikoikip ku korobe ne ruwe ne.

¹¹ Kim un chikap obitta ku eraman. Orowa, nup ta okai niwen chikoikip ku esanniyop ne ruwe ne.

¹² Ku ibe-rusui chiki, e nure ash shomoki kusu ne: Moshiri newa koro aeshikbe obitta ku korobe ne ruwe ne gusu ne na.

¹³ Pinne beko kam ku ibe, Yangi kem ku iku kunip ne ruwe he an?

¹⁴ Iyaiiraige, ambe Kamui otta yange, Iyotta Rikunbe orun itaknu ki yan;

¹⁵ Yairamhekomo ita En orun kohawe ashte yan, Orowa, Kuani e kashiobiuki kusu ne, aige, eani En ramye kusu ne na.

¹⁶ Koroka, wen utara otta Kamui ene itak-hi:— Hemanda gusu eani anak ne ku goro uitaknup nure ya? Nep gusu eani anak ne koro paro otta ku goro tuitak koro ya?

¹⁷ Koroka, eani anak ne apakashnu ambe etunne wa; Ku goro itak e oshmake orun emaka nisa?

¹⁸ Ikka guru e nukara ita, tura no e ramuoshma ilisa, Hoiyo utara tura no an guru e ne ruwe ne naa

¹⁹ Wenbe gusu e paroho apita, E koro parumbe kokandama ki ruwe ne,

²⁰ E a wa koro iriwak gusu shungep ye, Koro haho koro poho uoputuye ruwe ne.

²¹ Tap okaibe e ki nisa, awa, mo no ku an, Aige, kuani anak me son no newa eani korachi ne sekoro e yainu nisa; Kuani anak ne e epakashnu ash, nei okaibe e shik samata ku ande kusu ne na.

²² Tane Kamui oira utara; tambe esanniyo yan, Ikineipeka kashiobas kuni iguru isam ita ika e uibeoshke kusu me na:

²³ Iyaiiraige yangep yange gurʼ anak ne Eri ko-oripak ruwe ne; Orowa, kon ruhu etoko-oiki guru otta Kamui kashiobiuki-hi ku nukare kusu ne na.