Iyohaichish 5 - Ashiri Aeuitaknup Iyohaichish Yona 1897

5. Iyohaichish.

Nekirot esapane guru gusu, Dabid kava Iyohaichish.

¹ AA Ehoba, ku ye itak ikokanu wa en kore, Ku ramepakari ambe esanniyo wa en kore.

² En hekote Kamui, ku goro Kamui, E orun inonno-itak ku ki gusu Ku ash te hawe nu wa en kore.

³ Aa Ehoba, kunneiwano ku goro hawe E nu kusu ne na; Kunneiwano Aokai gusu ku etokooiki wa shiruwande kusu ne.

⁴ Aokai anak ne wen-buri enupetne Kamui shomo ne, Wenbe anak E samata an eaikap kusu ne gusu ne na.

⁵ Wayasap utara anak ne E shik-samata yairoshkire eaikap: Aokai obitta no okai irarape iki utara etunne ruwe ne na.

⁶ Aokai anak ne shungep ki guru isamka kusu ne: Kem ohetu newa kokandama ki guru Ehoba etunne ruwe ne.

⁷ Kuani anak, E koro omap an ramuhauge irenga inne ne gusu, E kora kenru orun ku ahun kusu ne: E koro Ashkanne kenru epeka no pasetara kooripak an wa ku hepokiki kusu ne na.

⁸ Aa Ehoba, iorun shiktokoko utara okai gusu, E koro oupeka-i otta en ani wa en kore: En kotchaot E kon ruhu oupekare wa en kore.

⁹ Nei utara koro paroho otta sonep isama; Koro onnaige oara wen ruwe ne: Rekuchi anak ne makke tushiri ne; Parumbe ani panore ki ruwe ne gusu ne na.

¹⁰ Aa Kamui, nei utara kokatpakte wa en kore; Koro eukoramkorobe ani yaikota yaihachire kuni ne kara: koro obaitaburi inne ne gusu soyekatta okewe wa en kore; Shinuma utara Kamui okbare nisa ruwe ne gusu ne na.

¹¹ Koroka, Aokai gusu eyaikopashte utara obitta yainuchattek kusu ne; Aokai anak ne nei utara kikikara ruwe ne gusu, ramma pakno nupetne haukore-kunitara ruwe ne kusu ne na. Samata, E reihei omap utara Aokai enupetne kuni ne kara wa en kore.

¹² Aokai anak ne oupeka guru nunuke; Aa Ehoba, Aokai anak kikhumbe an-i korachi pirika irenga nei guru nikkotamare ruwe ne kusu ne na.