Iyohaichish 48 - Ashiri Aeuitaknup Iyohaichish Yona 1897

48. Iyohaichish.

Shinotcha; Kora polio kara Iyohaichish.

¹ CHIKORO Kamui koro machiya otta, koro ashkanne nupuri otta, Ehoba anak ne pase ne, shi no aramye kunip ne.

² Zion nupuri matneau kotoro, Poro Sapanep koro machiya, Bi wa eram asu, moshirʼ ebitta nupetnerep ne ruwe ne na.

³ Kamui anak ne nei chashi orota Ri ushike ne sekoro yaikota yaieamkirire nisa ruwe ne.

⁴ Ingara yan, moshiri esapane utara anak ne yaiuwekarapare, Ukoiram no isam ne ruwe ne na.

⁵ Nei utara nei ambe nukara wa iyokunnure: Kimatek wa ara ishitoma nisa ruwe ne na.

⁶ Nei utara anak ne toan ita tusushke, Tane po koro shiwentep nei no iunin nisa ruwe ne.

⁷ Menash ari, Aokai anak ne Tarshish un chip wende ruwe ne.

⁸ Inne topaha utara koro Ehoba koro machiya otta, chikoro Kamui koro machiya otta, Anu korachi chi nukan nisa: Ramma pakno Kamui nei ambe ashte kusu ne na. [Sera.]

⁹ Aa Kamui, E kot chisei ta, Chi utara anak ne E koro omap-an-ramuhauge-hi esanniyo ash nisa ruwe ne na.

¹⁰ Aa Kamui, E reihei korachi, Moshiripa pakno moshirigesh pakno Aokai ramuayere na: E koro shimon tek anak oupeka-i ani eshik ruwe ne.

¹¹ E koro esanniyo-hi gusu, Zion nupuri yaikopuntek yan, Yuda koro matne-po nupetne yan.

¹² Shinuma okari ta apkash wa, Nei ri ushike pishki yan.

¹³ Hetuku kushki ainu ikiri orota anure kuni gusu, Koro chashi pirika no ingara, Koro tumbu esanniyo yan.

¹⁴ Inambe gusu ne yakun, tan Kamui, tan chikoro Kamui anak ne otusashuishiri wano, otusashuishiri pakno an Kamui ne: Shinuma anak ne ramma pakno un tura kusu ne na.