Iyohaichish 44 - Ashiri Aeuitaknup Iyohaichish Yona 1897

44. Iyohaichish.

Shinotcha esapane guru gusu; Kora poho karape. Maskir.

¹ AA Kamui, fushkotoita ekashi utara okai rapoketa E ki ikip, Kisara ani chi nu nisa, chikoro ekashi un nure nisa ruwe ne na.

² Aokai koro teke ani moshiri uirup okeuba wa, nei utara ahupte nisa ruwe ne; Aokai anak ne utara panakte wa emakba nisa ruwe tapan na.

³ Nei utara yaikota koro emush ani nei moshiri kishima shomoki, Yaikota koro amunin ani yaikaobiuki shomoki nisa: Koroka, E koro shimon teke, e koro amunin, orowa, E koro nanuhu nupeki nei ambe kau nisa, Aokai anak ne nei utara orun irenga sange nisa ruwe ne gusu ne na.

⁴ Aa Kamui, Aokai anak ne en Esapanep ne: Yakob gusu annokarape sange wa en kore.

⁵ Aokai ankushkerai chi utara anak ne un epokba utara hachire kusu ne; E reihei ankushkeraipo un epokba utara chi otereke ash kusu ne na.

⁶ Kuani anak ku goro ku gusu shomo ku eyaikopashte, Ku goro emush anak en kashiobiuki shomoki kusu ne gusu ne na.

⁷ Koroka, Aokai anak ne un epokba utara gusu un kashiobiuki nisa, Un etunne utara ayainikoroshmare nisa ruwe ne na.

⁸ To ebitta chi utara anak ne Kamui gusu yaiomonnure nisa, Ramma pakno E reihei gusu koyaiiraige ash kusu ne na. [Sera.]

⁹ Koroka, tane anak ne Aokai un emakba wa un yainikoroshmare; Orowa, chikoro tumi gusu an topaha tura shomo E oman ruwe ne.

¹⁰ Un epokba utara orowa no un hosarire wa un kirare; Orowa, un etunne utara anak ne yaikota gusu wentoi-kantoi kokiru ruwe ne.

¹¹ Aokai anak ne araige kuni gusu an hitsuji chikoikip korachi un ande nisa; Moshiri uirup tumugeta un charichari nisa ruwe ne na.

¹² Oro-isam no E koro utara aehok wa; Nei atayehe gusu shomo eyaiepirikare nisa ruwe ne na.

¹³ Aota un utara gusu ayainikoroshmarep ne a un kan nisa, Un okari ta okai gusu aeminap ne, aesapsep chi ne ruwe tapan na.

¹⁴ Moshiri uirup tumugeta okai wa eoya-itak akore utara chi ne, Uirup orowa aesapa shuyeshuyep chi ne ruwe ne.

¹⁵ To ebitta ku yainikoroshma, Ku nanu isam-i anak ne en kamure ruwe ne na.

¹⁶ Kopashirota newa koatcha hawe sange guru gusu; Nei epokba guru newa kopiuki guru gusu ne ruwe ne na.

¹⁷ Tap okaibe obitta un gusu an a yakka; chi utara E oira ash shomoki nisa ruwe ne, Shui, E koro uitaknup gusu shomo oheuge no chi ki ruwe ne na.

¹⁸ Chikoro keutum shomo ahoshipire, Chikoro chikiri shomo E ruhu ehaita ruwe ne.

¹⁹ Aokai anak ne nei horokeu an ushiketa un panakte nisa, Bai kurihi ani un kamure nisa ruwe ne na.

²⁰ Chi utara anak ne chikoro Kamui reihei oira chiki, Samata, oya Kamui orun koro tekehe pirasa yakun:

²¹ Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.

²² Ruwe un, Aokai rengap gusu to ebitta a un ronnu wa okai; Araige kuni gusu an hitsuji chikoikip nepkoro aesanniyo ruwe ne.

²³ Aa Utarapa mosh wa un kore, hemanda gusu E mokoro ya? Hopuni wa un kore, iteki ramma pakno un emakba wa un kore.

²⁴ Nep gusu e koro nanuhu E seshke wa, Chi ki iuninbe newa yaikowepekere ambe E oira ruwe he an?

²⁵ Chikon ramat koponchi pakno ahotkure wa an: Chikoro honibi toi pakno shirikamu ruwe ne.

²⁶ Hopuni wa un kashiobiuki; E koro omap-an-ramuhauge-hi ankushkeraipo gusu un kikiraye wa un kore.