Iyohaichish 41 - Ashiri Aeuitaknup Iyohaichish Yona 1897

41. Iyohaichish.

Shinotcha esapane guru gusu. Dabid kara Iyohaichish.

¹ KATCHAK utara koingara gurʼanak ne anunuke ne: Wenbe an toho ta Ehoba shinuma kashiobiuki kusu ne na.

² Ehoba anak ne shinuma koshiratki wa shiknure kusu ne, orowa, shinuma moshiri kata an wa anunuke kusu ne; Gusu an epokba utara otta iteki shinuma ekoshi wa en kore.

³ Tashum ki hine hotke wa an ita Ehoba anak shinuma nitata kusu ne: Shiyeye an ita Aokai anak ne shinuma koro shotki kan ruwe ne.

⁴ Ene ku itak nisa; —Aa Ehoba, pirika irenga sange wa en kore: Ku kon ramat iwangere wa en kore; Aokai epeka no katpak ku ki nisa ruwe ne na.

⁵ En epokba utara anak ne en gusu wenbe ye ruwe ne, Shinuma hembara ta rai wa kon reihei ush ruwe be an? ari itak.

⁶ Orowa, shinuma en nukara gusu ek chiki, shunge ye; Koro keutum anak ne yaikota gusu irarape uwekarapare: Shinuma soyum peka apkash chiki nei ambe ye ruwe ne.

⁷ En etunne utara anak ne obitta en gusu utashpa pinu-itak ki: En wende kuni gusu esanniyo ruwe ne.

⁸ Nepka wenbe shinuma otta shiri kotuk wa an: Orowa, tane anak ne shinuma hotke wa shui hopuni shomoki kusu ne.

⁹ Ruwe un, ku eyaikopashte, ku goro aep ibe en tura itomo irenga koro ku nimaraha anak ne, En epeka no koro keshup puni nisa ruwe ne.

¹⁰ Koroka, Aa Ehoba, nei utara gusu tasa ku iki kuni ne, Pirika irenga sange wa en hopunire wa en kore.

¹¹ En epokba utara en annokara shomoki gusu, Tamhe gusu Aokai anak ne en enupetne ruwe ne, sekoro ku eraman ruwe ne.

¹² Orowa, kuani gusu, Aokai anak ne oupeka no ku an kuni gusu en nitata, Aige, ramma pakno E shik-samata en ande ruwe ne.

¹³ Otusashuishiri wano otusashuishiri pakno, Israeru koro Kamui ne Ehoba anak ne anunuke ne ruwe ne. Amen, shui, Amen.