Iyohaichish 40 - Ashiri Aeuitaknup Iyohaichish Yona 1897

40. Iyohaichish.

Shinotcha esapane guru gusu. Dabid kara Iyohaichish.

¹ KU chipachipa wa Ehoba ku ehuye: Awa, Shinuma en orun ikokanu wa ku ashte hawe nu nisa ruwe ne.

² Shinuma anak ne sakayo an shui orowa no, yachi oma furetoi orowa no, en etaye; Aige, watara kata ku kema ande wa ku oman-i ashte nisa ruwe ne.

³ Chikoro Kamui ramye kuni ashiri shinotcha ku paro orota aomare: Inne utara nei ambe nukara wa kimatek kusu ne, Orowa, Ehoba eyaikopashte kusu ne na.

⁴ Pakesara utara kashiramu shomoki, shungep orun shomo hosari wa, Eli oba eyaikopashte gurʼanak ne anunuke ne ruwe ne.

⁵ Aa ku goro Kamui ne Ehoba, Aokai iki aerayapka ikip anak ne inne ruwe ne. Orowa, un gusu E esanniyo yainu-hi anak ne, Aokai orun aashte eaikapbe ne; Nei okaibe gusu ku ye wa ku pita rusui chiki, Apishki eaikap pakno inne ruwe ne.

⁶ Chikoikip newa koho ayange kunip Aokai enupetne shomoki; Ku kisaraha Aokai pui o: Uhuika ayangep newa katpak gusu an ayangep Aokai kon rusui shomoki ruwre ne.

⁷ Nei ita ene ku itak-hi: —Hetak, ku ek shiriki: Nei kambi-sosh kata en gusu anuye wa an na:

⁸ Aa ku goro Kamui, E korʼirenga ku ki kuni ku konoburu na; Ruwe ne wa, E koro tuitak anak ne ku keutum ta an ruwe ne.

⁹ Poro uwekari otta oupeka ambe ku eupaskuma ki nisa; Hetak, ku papush shomo ku seshke kusu ne, sekoro, Aa Ehoba, Aokai eraman ruwe ne.

¹⁰ E koro oupeka orushpe ku keutum oshiketa shomo ku nuina nisa; E koro ikipniukesh-hi newa kashiobiuki-hi ku ye nisa: Poro uwekari gusu E koro omap-an-ramuhauge-hi newa sonep shomo ku nuina nisa ruwe ne.

¹¹ Aa Ehoba, en gusu iteki E koro ramuhauge-rampoken seshke wa en kore: E koro omap-an-ramuhaugep newa sonep anak ne ramma en koshiratkire wa en kore.

¹² Inambe gusu ne yakun, inne no okai wenbe en nikkotama, Ku nan-epuni eaikap pakno ku ki ohaitap en oshkoni ruwe ne; Ku sapa otop-tu kasu no inne wa gusu ku keutum nin shiriki.

¹³ Aa Ehoba, irenga sange wa en kashiobiuki wa en kore: Aa Ehoba, chashnu no en ikashiu wa en kore.

¹⁴ Ku ramat isamka kuni gusu hunara utara Shine-ikinne ayainikoroshmare wa sambe kokurusere wa en kore: En wende rusui utara Aehorokare wa akoatcha kuni ne kara wa en kore.

¹⁵ En orun, Aba, Aba, ye utara anak ne Yainikoroshma wa aiekimatekte wa en kore.

¹⁶ E hunara utara anak ne obitta Aokai gusu nupetne wa yainuchattekka wa en kore: E kashiobiuki-hi omap wa ramma kane Ehoba apasere an na, sekoro yere wa en kore.

¹⁷ Koroka, kuani anak ne otek-sak wa irapokkari guru ne; Utarapa en esanniyo: Aokai anak ne ikasbiu Kamui ne, en kashiobiukip ne; Aa ku goro Kamui, iteki tere wa en kore.