Iyohaichish 39 - Ashiri Aeuitaknup Iyohaichish Yona 1897

39. Iyohaichish.

Shinotcha rekte utara esapane gusu, Jedutun gusu an ap. Dabid kara iyohaichish.

¹ PARUMBE ani katpak iteki ku ki kuni ne, Ku ruhu ku esanniyo kusu ne, sekoro ku itak nisa: En kotchaketa wen utara okai rapoketa, Omonkai ani ku paroho ku shikkashima kusu ne na.

² Mo no an wa shomo ku itak, pirikap otta ne yakka shomo ku itak nisa, Orowa, ku ki oknatara ambe anak ne chiukopoye nisa ruwe ne.

³ En oshike un sambe anak ne seisek ruwe ne: Yaikoshiramshuiba ku ki rapoketa nei abe aare nisa ruwe ne. Orowa, parumbe ani ku itak-hi;

⁴ Ehoba, ku okere-i hemhem, ku shiknu kuni toho nei pakno an a hemhem, En eramande wa en kore; Nep oro pakno katchakbe ku ne ya, en eshiramkire wa en kore.

⁵ Ingara, ku toho anak tek-tomotuye korachi ne E kara; Ku paha anak ne Kamui tek-samata nep ne ka aramu shomoki korachi ne: Son no newa, obitta no okai utara irammakaka an ita yakka pishno oara rera ne.

⁶ Son no newa, obitta no an guru anak ne noka korachi apkash na: Son no un, raka sak no keutum kopoye ruwe ne: Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.

⁷ Orowa, Aa Utarapa, nep tane ku echipachipa ya? Aokai gusu ku eyaikopashte ruwe ne.

⁸ Ku ohaitap orowa no en ohaitare wa en kore; Ramusak utara iteki en aeyainikoroshmarep ne kara kuni ne ki wa en kore.

⁹ Shomo ku itak, ku paro shomo ku hasa; Aokai nei ambe kan nisa ruwe ne gusu ne na.

¹⁰ E ki shirikik ambe en orowa no oyakta omande wa en kore; E tekehe ani a en panakte gusu a en isamka ruwe ne.

¹¹ Ainu wen wa gusu, Aokai anak ne kopashirota ani panakte ita anak ne; Shish korachi nei guru koro shiretok-hi E isamka ruwe ne. [Sera.] Son no newa, obitta no okai utara pishno paha korachi ne.

¹² Aa Ehoba, ku ki inonno-itak nu wa en kore; ku ashte hau orun ikokanu wa en kore; Ku sange nupe iteki ikorampoktuye wa en kore: Kuani anak ne E tek-samata oya guru korachi ne; Ku goro ekashi korachi payekai guru ku ne ruwe ne gusu ne na.

¹³ Nekon ka newa, tewa no ku oman wa isam etokota. En erampokiwen wa en tumashnure wa en kore.