Iyohaichish 38 - Ashiri Aeuitaknup Iyohaichish Yona 1897

38. Iyohaichish.

Aeshkarunde kuni gusu Dabid kara Iyohaichish.

¹ AA Ehoba, iteki irushka wa en pakashnu: Iteki seisek no kinrakara wa en panakte wa en kore.

² E koro ai en eroshki, E koro teke yupke no en rarapa ruwe ne.

³ Aokai irushka gusu ku goro kam otta nisashnu ushike isam; Ku katpak gusu ku goro pone shomo shini ruwe ne na.

⁴ Ku wen-buri anak ne ku sapaha kamure Pase shikehe nei no en gusu mashkin no pase ruwe ne.

⁵ Ku haitap gusu, Ku piri anak ne hura at wa munin ruwe ne.

⁶ Ku ukomomse wa ara ku hotku; To ebitta yaituwashkarap ku ki ruwe ne.

⁷ Ku kiruosh shiri seisek; Ku kam otta nisashnu ushike isam ruwe ne.

⁸ Ku sambe-toranne wa son no piri ao: Sambe aetushtek gusu hawe ku ashte nisa ruwe ne.

⁹ Aa Utarapa, ku kon rusuibe anak ne E kotchaketa okai, Ku nuwap hawe anak ne E otta aseshke shomo ne ruwe ne.

¹⁰ Ku sambe popporose, ku tum-sak; Ku shiki oma pekere anak ne, nei ambe aokere na.

¹¹ En katairotke utara newa ku iriwak utara tura ku tashum gusu oyakta roshki; Ku utarahi anak ehangeko no roshki ruwe ne.

¹² Ku inotu hunara utara ne yakka en gusu akbe ande; Orowa, en wende rusui utara anak ne shunge itak ye, To ebitta shungep ramepakari ruwe ne.

¹³ Koroka, kuani anak ne ashpa guru korachi shomo ku nu; Paro hasa shomoki shomo-itak guru korachi ku ne.

¹⁴ Ruwe un, shomo nu guru korachi ne, Paro oshiketa ese-itak isam no an guru korachi ku ne ruwe ne.

¹⁵ Aa Ehoba, Aokai gusu ku chipachipa ruwe ne: Aa Utarapa ne ku goro Kamui, Aokai anak ne ese-itak ki kusu ne na.

¹⁶ Inambe gusu ne yakun, ene ku itak-hi: —Ikineipeka nei utara ika en gusu nupetne: Ku chikiri oshitteshu ita ika en gusu yairiknare kuni gusu ne na.

¹⁷ Hera no apkash ku etoko-oiki, Ramma yairamhekomo ruwe ne.

¹⁸ Ku goro wen-buri ku eyaipushi; Ku goro katpak gusu ku yairamhekomo kusu ne.

¹⁹ Koroka, en epokba utara anak ne niwashnu wa okirashnu ruwe ne: Orowa, ikkewe sak no en kowen utara ainnere nisa ruwe ne.

²⁰ Shui, pirikap shirine wenbe sange utara anak ne En epokba ruwe ne, pirikap ku ki ruwe ne gusu ne na.

²¹ Aa Ehoba, iteki en em aka wa en kore: Aa Ku goro Kamui, iteki en orowa no ehangeko no an wa en kore.

²² Aa en kashiobiuki Utarapa, Tunashi no en ikashiu wa en kore.