Iyohaichish 36 - Ashiri Aeuitaknup Iyohaichish Yona 1897

36. Iyohaichish.

Shinotcha esapane guru gusu. Ehoba koro uitekbe ne Dabid karape.

¹ KU goro keutum ta okai wen-buri ohaitap ene ye-hi:— Koro shik-samata Kamui ko-oripak ambe isam, sekoro itak.

² Inambe gusu ne yakun, koro wen-buri anukara wa aetunne shomoki kusu ne sekoro Yaikota koro shik-samata yairatchitarare ruwe ne gusu ne na.

³ Koro paroho oma itak anak ne irarape ne shungep ne ruwe ne: Pirikap ki kuni wayashnu-hi aokere nisa ruwe ne.

⁴ Shotki kata wenbe esanniyo; Pirika shomo ne an ruhu otta yaiashte: Wenbe etunne shomoki ruwe ne na.

⁵ Aa Ehoba, E koro omap-an-ramuhauge-i anak ne kando otta an; E koro sonep aoingara kando pakno epa ruwe ne.

⁶ E koro oupeka-i anak ne Kamui nupuri nepkoro ne; E ki esanniyo-hi anak ne shiri ooho ambe ne; Aa Ehoba, Aokai anak ne ainu hene chikoikip hene kashiobiuki ruwe ne.

⁷ Aa Kamui, E koro omap-an-ramuhauge irenga nep nupurube humi! Utara koro poho anak ne E koro tekkup sempiriketa yainuina ruwe ne.

⁸ Nei utara anak ne E kora kenru ta an kiripu gusu nuye an no aeramushinne; Orowa, E koro nupetne pet otta Aokai nei utara ikure kusu ne na.

⁹ Inambe gusu ne yakun, E otta inotu motoho an ruwe ne: E koro nupeki gusu nupeki chi nukarʼash kusu ne na.

¹⁰ Aa, E eamkiri utara gusu ramma omap-an-ramu-hauge-i atte; Keutum oupeka utara orun oupekap sange wa en kore.

¹¹ Pakesara chikiri iteki en epokba, Wen utara koro tekehe iteki en oke we kuni ne kara wa en kore

¹² Nei ita irarape iki utara hachiripa wa okai ruwe ne: Nei utara ahachire wa hopumba eaikap kusu ne na.