Iyohaichish 35 - Ashiri Aeuitaknup Iyohaichish Yona 1897

35. Iyohaichish.

Dabid karape.

¹ AA Ehoba, en paekoiki utara itasa paekoiki wa en kore: En koiki utara itasa koiki wa en kore.

² Tamkikhumbe newa kikikarape kishima hine, Rosliki wa en kashiobiuki wa en kore.

³ Ibe-op ne yakka atte wa en keseamba utara etokotuye wa en kore: Kuani anak ne Aokai gusu an kashiobiukip ne sekoro ku ramat otta ye wa en kore.

⁴ Ku ramat noshpa utara ayainikoroshmare hemhem ki akoatcha hemhem aki kuni ne kara wa en kore: En wende kuni esanniyo wa oshke utara ahoshippare hine sambe-kokurusere wa en kore.

⁵ Rera etoko an muruhu nepkoro, Ehoba koro uitekbe nei ambe okeuba korachi ne kara wa en kore.

⁶ Koro apkash ru akunnere wa chiinrarakkare wa en kore, Ehoba koro uitekbe keseambare wa en kore,

⁷ Inambe gusu ne yakun, nei utara anak ne ikkewe sak no shui orota en gusu ya nuina nisa, Ikkewe isam no ku ramat gusu shui ohori nisa ruwe ne na.

⁸ Shomo ek kushki kuni aramu ita awende-i shinuma gusu arakire wa en kore; Nuina no aare ya yaikota uk kuni gusu kara wa en kore: Awende kuni ne nei orun hachire wa en kore.

⁹ Orowa, ku ramat anak ne Ehoba gusu ramu-ritetke kusu ne: Shinuma iki kashiobiuki-hi enupetne kusu ne na.

¹⁰ Obitta no okai ku ponehe anak ne ene ye kusu ne, Ehoba, E koheraye gurʼanak nen ne ruwe? Shinuma gusu tumashnu kashpa guru orowa no Aokai anak ne otek-sak guru ohaitare, Ruwe un, iwende guru gusu otek-sak guru newa irapokkari guru kashiobiuki ruwe ne.

¹¹ Oheuge paweteshu ki utara hopumba; Ku erampeutek okaibe en orun nu ruwe ne.

¹² Pirikap gusu wenbe itasare wa ikore; Ku ramat auk ruwe ne.

¹³ Koroka, kuani anak nei utara tashum ki ita aeshiyuk amip ku yaimire nisa. Shomo ramnu ki wa ku kon ramat ku shirikirapte nisa; Orowa, ku ki inonno-itak anak ku upshorota ahoshipire kusu ne na.

¹⁴ Ku katairotki guru ku goro iriwak nepkoro an no yaikota ku iki nisa: Koro habo gusu rai-chish kara guru nepkoro an no ku hepokiki wa yaituwashkarap ku ki nisa ruwe ne.

¹⁵ Koroka, ku hera apkash ita nei utara uwekarapa hine yaikopuntek nisa ruwe ne; Nei aemakba kuni utara anak ne ku eramushkare ita uwekarapa wa en shirikik; En yaspa Hine okere shomoki.

¹⁶ Marapto ta okai akoatcha esapse utara korachi, Nimaki ari en orun nirewe nisa ruwe ne.

¹⁷ Aa Utarapa, hembara pakno Aokai anak ne ingara? Iwende ambe gusu ku kon ramat kashiobiuki, Shishi orowa no shinep ne ku korobe ohaitare wa en kore.

¹⁸ Poro uwekari ta E koyaiiraige ash kusu ne: Pase uirup tumugeta ku iramye ash na.

¹⁹ En epokba utara iteki shunge wa en gusu yainuchattek kuni ne kara wa en kore: Shui, ikkewe sakno en etunne utara iteki en orun shikrewerewe kuni ne kara wa en kore.

²⁰ Inambe gusu ne yakun, nei utara anak ne itomo itak shomo ye ruwe ne. Koroka, moshiri ta okai ratchitara utara gusu shunge itak esanniyo.

²¹ Ruwe un, en gusu parakayashtek hine, Aha, Aha, chikoro shikihi nei ambe nukan nisa ruwe ne na, sekoro itak.

²² Aa Ehoba, Aokai anak ne nei ambe nukan nisa: iteki mo no an wa en kore: Aa Ehoba, iteki en orowa no ehangeko no an wa en kore.

²³ Yaitunashka wa en esanniyo gusu hopuni, Ku goro Kamui, ku goro Utarapa, en gusu an orushpe gusu ki wa en kore.

²⁴ Aa Ku goro Kamui ne Ehoba, E koro oupeka ambe hei no en koipishi wa en kore; Nei utara iteki en gusu nupetne kuni ne kara wa en kore:

²⁵ Aha, nei no akon rusui ne, iteki keutum ta ye kuni kara wa en kore: Chi utara anak ne shinuma ruki okere, sekoro iteki ye kuni kara wa en kore.

²⁶ A en iwende wa an gusu nuchattek utara ayainikoroshmare wa sambe-kokurusere wa en kore. En gusu yai riknare utara anak ne aeyainikorosh-marep ani hene sbomo-aoripak ambe ani hene amire kuni kara wa en kore.

²⁷ E koro oupeka-i enupetne utara haukore kunitara bine yainuchattekte wa en kore: Ruwe un, koro uitek guru aepirikare gusu nupetne Ehoba anak ne apasere wa an na, Ari an itak ani,ramma aye kuni ne kara wa en kore.

²⁸ Orowa, ku parumbe anak ne tokap ebitta E koro oupeka-i newa E koro ramu-ayep gusu ye kusu ne na.