Iyohaichish 34 - Ashiri Aeuitaknup Iyohaichish Yona 1897

34. Iyohaichish.

Abimerek kotchaketa shiramatsakre hine aokewe wa paye ita: Dabid karape.

¹ HEMBARA ne yakka kuani anak ne Ehoba reika kusu ne: Ramma ku paro ani Shinuma ku iramye kusu ne na.

² Ku ramat anak ne Ehoba gusu yaiomonnure kusu ne: Ramu-rotcha utara nei ambe nu wa yaikopuntek kusu ne na.

³ Aa, en tura Ehoba pasere yan, Ukoiram no Shinuma kon reihei riknare yanro.

⁴ Ehoba ku hunara, awa, Shinuma en orun ese itak ki, Aige, obitta no okai ku ishitomap gusu en ohaitare nisa ruwe ne.

⁵ Nei utara anak ne Shinuma orun ingara, awa, apekereka nisa: Orowa, koro nanuhu anak ne ramma pakno ayainikoroshmare shomoki kusu ne.

⁶ Otek-sak guru anak ne hawe ashte hine Ehoba nu, Aige, obitta no okai yairamhekomo ambe gusu shinuma kashiobiuki nisa ruwe ne.

⁷ Ehoba ko-oripak utara okari ta Shinuma koro uitekbe anak ne roshki wa okai,

⁸ Aa, Ehoba anak ne pirikap ne sekoro aeramande kuni gusu sapke wa ingara yan: Shinuma eyaikopashte gurʼanak ne anunuke ruwe ne.

⁹ Aa, Shinuma koro ashkanne echi utara, Ehoba ko-oripak yan: Shinuma ko-oripak utara gusu eikohayep isam ruwe ne gusu ne na.

¹⁰ Upen shishi gusu eikohayep an wa sambechinoiba ruwe ne: Koroka, Ehoba hunara utara gusu eikohaye pirikap isam ruwe ne na.

¹¹ Poho utara, echi araki wa en orun nu yan: Ehoba ko-ishitoma kuni ambe echi epakashnu ash kusu ne na.

¹² Inotu kon rusui wa, Pirikap gusu inne toho ta okai rusui gurʼanak ne inan guru ne ya?

¹³ Wenbe gusu koro parumbe shikkasbima, Shunge itak gusu koro papush ukotukka yan.

¹⁴ Wenhe eshishi wa pirikap ki; Itomo hunara wa keseamba yan.

¹⁵ Ehoba shikihi anak ne oupeka utara orun atte wa okai, Nei utara sange hawe orun Shinuma koro kisaraha atte wa okai ruwe ne.

¹⁶ Moshiri wano ushtekka kuni gusu, Ehoba nanuhu anak ne wenbe ikichi utara orun atte wa an ruwe ne.

¹⁷ Utara hawe ashte, awa, Ehoba nu, Aige, aeyairamhekomo ambe orowa no ohaitare nisa ruwe ne.

¹⁸ Ehoba anak ne keutum ramuoknatara utara samaketa an, Shinuma anak ne keutum yaikowepekere utara kashiobiuki ruwe ne.

¹⁹ Oupeka utara iwendep anak ne inne ne, Koroka, Ehoba anak ne obitta nei okaibe orowa no ohaitare kusu ne ruwe ne.

²⁰ Shinuma anak ne obitta no okai nei utara koro pone epungine: Shinep poka shomo kaye ruwe ne.

²¹ Wenbe anak ne wen utara ronnu: Orowa, oupeka utara etunne gurʼanak ne katpak an sekoro aesanniyo kusu ne na.

²² Ehoba anak ne koro uitek utara kon ramat kikiraye: Aige, Shinuma gusu eyaikopashte utara shinen ne yakka katpak an sekoro shomo aesanniyo kusu ne na.