Iyohaichish 33 - Ashiri Aeuitaknup Iyohaichish Yona 1897

33. Iyohaichish.

¹ OUPEKA utara, Ehoba enupetne gusu haukore kunitara yan: Oupeka utara ramye ki kuni ambe anak ne oupakbe ne ruwe ne gusu ne na.

² Koto ani Ehoba koyaiiraige yan: Wan ka oma koto ani shinotcha ki wa Shinuma ramye yan.

³ Ashiri shinotcha ani Shinuma orun shinotchaki yan; Poro humi ani ashkai no rekte yan.

⁴ Ehoba itak anak ne oupeka ambe ne; Shinuma sonep ne wa nep ne yakka ki nisa ruwe ne.

⁵ Shinuma oupeka ambe newa aesanniyop omap: Moshiri anak ne Ehoba omap-an-ramuhauge-hi ani aeshik wa an ruwe ne na.

⁶ Ehoba koro itak gusu kando akan nisa; Kando un topaha obitta Shinuma koro paroho oma ramat ani akan nisa ruwe ne na.

⁷ Epunepushbe nep koro Shinuma anak ne atui un wakka uwekarapare: Ooho ushike pu otta eumashnu wa ande ruwe ne.

⁸ Moshirʼebitta Ehoba gusu ishitoma: Ingi moshirʼun uirup obitta Shinuma gusu ramutuika na,

⁹ Inambe gusu ne yakun, Shinuma itak, aige, akara; Shinuma kashpaotte, aige, tumashnu no roshki nisa ruwe ne.

¹⁰ Ehoba anak ne oya utara ki ukoramkoro ambe isamka: Moshirʼun utara oshke yainu-hi raka-sakte nisa ruwe ne.

¹¹ Ehoba ukoramkorobe anak ne ramma pakno tumashnu no ash, Shinuma koro keutum ta aesanniyo yainu-hi anak ne obitta no okai ainu ikiri pakno an kusu ne.

¹² Ehoba ani Kamui ne koro moshiri uirup anak ne anunuke ne; Yaikota koro eikeshkorobe ne kuni gusu Shinuma numge utara anak anunuke ne ruwe ne.

¹³ Ehoba anak ne kando orowa no herashi ingara; Shinuma anak ne obitta no okai ainu koro poho utara nukan ruwe ne.

¹⁴ Koro oshiroma ushike orowa no Shinuma anak ne Moshiri kata obitta no okai utara orun ingan ruwe ne.

¹⁵ Shinuma anak ne obitta no okai utara koro keutum kara; Ki ikip obitta esanniyo ruwe ne na.

¹⁶ Inne topaha an gusu kashiaobiuki moshiri esapane guru isam: Okirashnu guru anak ne poro kiroro gusu ashiknure shomoki ruwe ne.

¹⁷ Kashiobiuki gusu umma anak ne raka sakbe ne: Shui, poro kiroro koro wa gusu shiknure shomoki kusu ne.

¹⁸ Ingarʼan, Utarapa shikihi anak ne Shinuma koishitoma utara kata an, Shinuma sange rampoken gusu chipachipa utara kata an ruwe ne na.

¹⁹ Nei ambe anak rai-i orowa no nei utara kon ramat ohaitare, Orowa, keman ita shiknure kuni gusu ne na.

²⁰ Chikon ramat anak ne Ehoba echipachipa nisa, Shinuma anak un kashiobiukip ne chikoro kikhumbe ne ruwe ne.

²¹ Shinuma koro ashkanne reihei otta chi eyaikopashte nisa ruwe ne gusu, Shinuma gusu chikon ramat nupetne kusu ne na.

²² Aa Ehoba, un erampokiwen wa un kore, Aokai gusu chi chipachipa ash nisa ruwe ne gusu ne na.