Iyohaichish 32 - Ashiri Aeuitaknup Iyohaichish Yona 1897

32. Iyohaichish.

Dabid karape. Maskir.

¹ AKI ohaita buri atusare, koro katpak akamure wa an gurʼanak ne anunuke ne ruwe ne.

² Otta Ehoba anak ne wen-buri kore shomoki, Kon ramat oshiketa irarape isam gurʼanak ne anunuke ne.

³ Mo no ku an ita, to ebitta ku nuwap gusu, Ku pone anak ne onne ne ruwe ne.

⁴ Tokap to hene kunne to hene E teke anak ne en kashiketa pase ruwe ne gusu, Ku pehe anak aitasare wa sak-un-pa satpe korachi sat nisa ruwe ne. [Sera.]

⁵ Ku katpak E orun ku eyaipushi nisa, ku goro wen-buri shomo ku eshina: Ehoba orun ku ohaitap ku pushpusu kusu ne, sekoro ku itak; Awa, ku goro katpak wenbe Aokai tusare nisa ruwe ne na.

⁶ Tambe gusu Aokai apa eashkai rapoketa Kamui ko-oripak utara pishno E orun inonno-itak kiro: Son no un, poro wakka ika ita anak ne nei guru pakno epa shomoki kusu ne.

⁷ Aokai anak ne ku nuina ushike E ne; aerannakbe gusu Aokai anak ne en koshiratki kusu ne; Kashiobiuki oma shinotcha ani Aokai anak ne en nikkotama kusu ne na. [Sera.]

⁸ E oman kuni ruhu ku epakashnu wa eyaihannokkare ku ki kusu ne: E kashiketa ku shikihi ku ande wa e onishnishi ash kusu ne na.

⁹ Ramu-sak umma newa usagi-umma korachi iteki okai yan: Nei ambe anak ne iteki e orun kopiuki kuni ne, Kuchiwa newa sapa-umbe aunu ruwe ne.

¹⁰ Wen utara gusu inne no okai shirikirap an: Koroka, Ehoba eyaikopashte guru okari rampoken an ruwe ne na.

¹¹ Oupeka utara, Ehoba gusu yainuchattek wa nupetne yan: Obitta no okai keutum oupeka utara nupetne gusu haukore kunitara yan.