Iyohaichish 31 - Ashiri Aeuitaknup Iyohaichish Yona 1897

31. Iyohaichish.

Shinotcha rekte esapane guni gusu; Dabid kara iyohaichish.

¹ AA Ehoba, Aokai gusu ku eyaikopashte; ramma pakno iteki a en yainikoroshmare kuni ne kara wa en kore. E koro oupeka irenga sange wa en honnere wa en kore.

² E koro kisara en orun atte hine tunashino en kashiobiuki wa en kore: Aokai anak ne ku goro tumashnu watara, en kaobiuki gusu an chashi ne kuni yaikara wa en kore.

³ Aokai anak ne ku watara ne, ku chashi E ne; Tambe gusu E reihei rengap gusu en ani hine en epakashnu wa en kore.

⁴ Nei utara nuina no en gusu are ya orowa no en etaye wa en kore; Aokai anak ne ku goro kiroro E ne ruwe ne gusu ne na.

⁵ E teke orun ku ramat ku ande ruwe ne: Aa Sone Kamui Ehoba, Aokai anak ne en kikiraye nisa.

⁶ Oba raka isambe konoburu utara E etunne: Koroka, Ehoba gusu ku eyaikopashte nisa ruwe ne.

⁷ Ku yaikopuntek hine E koro rampoken gusu ku enupetne kusu ne: Aokai anak ne ku ki shirikirap nukan nisa; Ku ramat yairamhekomo ita Aokai eramu nisa ruwe ne.

⁸ En epokba utara koro teke otta Aokai anak ne shomo en arapare; Ku koro kema poro ushiketa E ashte nisa ruwe ne.

⁹ Aa Ehoba ku yairamhekomo gusu pirika irenga sange wa en kore: Ku oknatara gusu ku shikihi nin, ku ramat newa ku netobake ne yakka.

¹⁰ Kuani ramuoknatara wa moshiri koapkash, nuwap ki wa ku paha isam: Ku goro kiroro anak ne wen-buri gusu epetchiu nisa, shui, ku pone nin wa isam ruwe ne na.

¹¹ Obitta no okai en ramushitnere utara gusu ayainikoroshmap ku ne, Ruwe ne wa, aota un utara gusu nei no ku an shiri, aeamkiri utara gusu ashitomap ku ne; Soita ku an wa en nukara utara anak ne en okira nisa ruwe ne.

¹² Shomo aeshkarun no an rai guru korachi a en oira wa ku an: Ameshpa sei shintoko korachi ku ne ruwe ne.

¹³ Inne utara ye ohaigekara itak ku nu nisa, En pishkaniketa aekimatekbe an: Nei utara en gusu ukoramkoro ita Ku inotu auk kuni ne esanniyo nisa ruwe ne.

¹⁴ Koroka, aa Ehoba, E orun ku eyaikopashte nisa, Aokai anak ne ku goro Kamui ne sekoro ku itak nisa ruwe ne.

¹⁵ Ku paha anak ne E tekehe ta okai: En epokba utara orowa no hene, en keshke utara koro teke wano hene en pita wa en kore.

¹⁶ E koro uitek guru orun E nanuhu hereatte wa en kore; E koro omap an ramuhauge irenga gusu en kashi-obiuki wa en kore.

¹⁷ Aa Ehoba, kuani E konishuk gusu, iteki a en yainikoroshmare kuni ne kara wa en kore: Wen utara ayainikoroshmare wa Sheo oshiketa mo no okai kuni kara wa en kore.

¹⁸ Pakesara wa esapse, Shomo yaikatanu no oupeka utara ohaigekara guru Koro shunge papush shomo itak kuni ne kara wa en kore.

¹⁹ Utara poho utara shiksamata Aokai gusu eyaikopashte, E koishitoma utara gusu Aokai eumashnu pirika ambe anak ne nep poro humi!

²⁰ Utara oshke esanniyop gusu E an i otta nei utara E nuina kusu ne: Parumbe sakayo gusu nuina no E koro kash ta ashikkashima kusu ne na.

²¹ Ehoba anak ne anunuke ne: Tumashnu machiya otta koro aeiyokunnure an omap an ramuhaugep atte nisa ruwe ne gusu ne na.

²² Kuani anak, E shiksam wano a en otuye an ari chashnu no ku ye nisa: Yakka, E orun ku konishuk ita ku ki koramkoro hau E nu nisa ruwe ne.

²³ Ehoba koro ashkanne utara, Shinuma omap yan: Ehoba anak ne Oupeka ambe shikkashima Orowa, pakesara ambe ki guru itasa ambe nuye an no koropare ruwe ne.

²⁴ Ehoba gusu echipachipa echi utara, Yaitumashnure wa koro keutum rametokte yan.