Iyohaichish 27 - Ashiri Aeuitaknup Iyohaichish Yona 1897

27. Iyohaichish.

Dabid karape.

¹ EHOBA anak ne ku pekere ne, en kashiobiukip ne ruwe ne; en ishitomarep nen ne ruwe? Ehoba anak ne ku inotu un kiroro ne; inan guru gusu ku kimatek ruwe be an?

² En epokba utara, en etunne wa wen-buri ki utara anak ne ku kam ibe gusu en orun araki ita, Nei utara epetchiu wa hachin nisa ruwe ne.

³ Poro inne utara en epokba gusu araki wa okai yakka, Ku keutum anak ne ishitoma shomoki: En kotumi an ap an yakka Ku keutum oshitchiure kusu ne.

⁴ Ehoba otta ku koramkorope shinep an, nei ambe ku hunara kusu ne; Kuani rai pakno Ehoba kora kenru ta ku oshiroma wa, Shinuma koro aekiroro ambe ku nukara, wa kora kenru ta uwepekennu ku ki kuni ambe ne.

⁵ Wen orushpe an toho ta Shinuma nuina no koro kash ta en shikkashima; Koro kash makun an ushiketa en nuina kusu ne; Watara kata Shinuma en riknare wa ande kusu ne na.

⁶ Orowa tane anak en okari ta okai en epokba utara enkashita ku sapa ariknapuni kusu ne; Orowa, nupetne an ayangep Shinuma koro kash otta ku yange; Shinotcha ku ki, ruwe un, iramye kuni shinotcha Ehoba otta shinotcha ku ki kusu ne na.

⁷ Aa Ehoba, ku hawe ani e konishuk ita en nu wa en kore: Orowa, pirika irenga sange hine ese itak ki wa en kore.

⁸ Ku nanuhu hunara yan, sekoro E ye ita, ku keutum E otta ene ese ki-hi:— Ehoba, E nanuhu ku hunara kusu ne na, sekoro itak nisa ruwe ne.

⁹ En otta iteki E nanuhu nuina wa en kore; Iteki irushka wa oyakta en omande; Aokai anak ne en kashiobiukip ne; Aa en kashiobiuki Kamui, iteki en osura; iteki en emaka wa en kore.

¹⁰ Ku michi newa ku habo anak ne en emaka nisa, Koroka, Ehoba anak en shikkashima kusu ne.

¹¹ Aa Ehoba, E kon ruhu en epakashnu; En epokba utara okai gusu, Kaptek ru orun en ani wa en kore.

¹² Keutum rengaine iotta ki rusui en epokba utara orun iteki en ekoshi wa en kore; Ramu-nishtep hussei hene ki, shungep ani en eiyon-nuppa hene ki utara hopumba shiri ki ruwe ne gusu ne na.

¹³ Shiknu pito moshiri kata, Ehoba pirika ambe ku nukara kuni shomo ku eishokoro yak anak humi!

¹⁴ Ehoba gusu chipachipa Tumashnu no okai, orowa, Shinuma e koro keutum rametokte kusu ne, Ruwe un, Ehoba echipachipa yan.