Iyohaichish 25 - Ashiri Aeuitaknup Iyohaichish Yona 1897

25. Iyohaichish.

Dabid kara Iyohaichish

¹ AA Ehoba, E otta ku ramat ku yange na.

² Aa ku goro Kamui, Aokai gusu ku eyaikopashte nisa, Iteki en yainikoshmare wa en kore: En epokba utara iteki en annokara kuni ne kara wa en kore.

³ Ruwe un, E orun eyaikopashte utara yainikoroshma shomoki; Ikkewe sak no kokandama ki utara anak ne ayainikoroshmare kusu ne.

⁴ Aa Ehoba, E kon ruhu en nukare, E koro apkash kuni ru en epakashnu wa en kore.

⁵ E koro sonep otta en enoye wa en epakashnu wa en kore; En kashiobiuki Kamui E ne ruwe ne gusu ne na; To ebitta Aokai gusu ku chipachipa ruwe ne.

⁶ Aa Ehoba, E koro omap an rampokiwen irenga bene E koro ramuhauge irenga hene anak Fushkotoi wano an ambe ne gusu eshikarun wa en kore.

⁷ Ponram ita ku ki katpak hene ku ohaitap hene iteki eshikarun wa en kore: Aa Ehoba, omap an ramuhauge irenga E koro gusu, Pirika irenga E koro wa an gusu, en eshikarun wa en kore.

⁸ Ehoba anak ne pirikap ne, oupekap ne: Tambe gusu katpak ki utara otta ruhu epakashnu kusu ne.

⁹ Shinuma anak ne aesanniyop otta ramu-rotcha utara ani: Ramu-rotcha utara otta koro ru epakashnu kusu ne.

¹⁰ Ehoba koro uitaknup newa ekamhaktep shikkashima guru gusu Obitta no okai Shinuma kon ruhu anak omap an ramuhauge ambe ne, sonep ne ruwe ne.

¹¹ Aa Ehoba, E kon reihei irenga gusu ku wen-buri tusare wa en kore, Nei ambe porobe ne ruwe ne gusu ne na.

¹² Ehoba koishitoma guru nen ne ruwe? Nei guru numge kuni ruhu Shinuma epakashnu kusu ne na.

¹³ Kon ramat pirika no oshiroma kusu ne: Aige, koro sanikiri anak ne moshiri eikeshkoro kusu ne na.

¹⁴ Ehoba koro nuina no an ukoramkorobe anak ne Shinuma ko-ishitoma utara tura an; Shinuma nei utara otta koro uitaknup nukare kusu ne.

¹⁵ Ku shiki anak ne ramma Ehoba orun ingara wa okai; Shinuma anak ne ya wano ku kema etaye ruwe ne kusu ne na.

¹⁶ En orun hosari hine pirika irenga sange wa en kore; Kuani yaitura wa an otek-sak guru ku ne ruwe ne.

¹⁷ Ku keutum ta okai yairamhekomo ambe anak ne aporore wa an, Ramusarakbe wano en ohaitare wa en kore.

¹⁸ Ku oknatarap ku nuwapbe esanniyo wa Obitta no okai ku ki katpak tusare wa en kore.

¹⁹ En epokba utara inne ne gusu, nei utara esanniyo wa en kore; Nei utara yupke aetunnep ani en etunne ruwe ne.

²⁰ Aa ku ramat shikkashima hine en kashiobiuki wa en kore; Aokai gusu ku eyaikopashte, aige, iteki ku yainikoroshma kuni ne kara wa en kore.

²¹ Oupekap newa keutum oheuge sak no an ambe en shikkashima, Aokai gusu ku chipachipa ruwe ne gusu ne na.

²² Aa Kamui, obitta no okai ki yairamhekomo ambe wano Israeru un utara kikiraye wa en kore.