Iyohaichish 22 - Ashiri Aeuitaknup Iyohaichish Yona 1897

22. Iyohaichish.

Aichiret hash-Shahar otta, Shinotcha rekte esapane guru gusu; Dabid kara Iyohaichish.

¹ KU goro Kamui, ku goro Kamui, nep gusu Aokai en em aka ye? Nep gusu ene ohon no en kashiobiuki shomoki ruwe? nep gusu ku chish hawe anu shomoki ya?

² Aa ku goro Kamui, kuani tokap-to ta hawe ku ashte, koroka, Aokai shomo ese itak ki nisa; Kunne-to ta hawe ku ashte wa yaimore shomoki nisa ruwe ne na.

³ Koroka, Israeru ramye-i kata rok Kamui, Aokai Ashkannep ne ruwe ne.

⁴ Chikoro ekashi Aokai gusu eyaikopashte; E eyaikopashte gusu kashiaobiuki nisa ruwe ne.

⁵ Nei utara E orun konishuk gusu ahonnere nisa; Aokai eyaikopashte gusu yainikoroshma shomoki nisa ruwe ne.

⁶ Koroka, kuani anak ne Ainu shomo ne, toimok ku ne ruwe ne; Utara gusu yainikoroshmarep ne, uirup aesapsep ku ne ruwe ne.

⁷ Obitta no okai en nukara utara anak ne en emina esapse: En orun patoi turiri hine sapa shuyeshuye wa ene itak-hi:—

⁸ Ehoba eyaikopashte; Shinuma nei guru honnerero: Shinuma nei guru enupetne gusu kashiobiuki kusu ne na, sekoro itak.

⁹ Koroka, Aokai anak ne en shikore Kamui ne: Ku habo koro upshotta ku an ita anak Aokai en yaikopashtere nisa ruwe ne.

¹⁰ Ku shiko wano Aokai otta a en yaikopashtere: Ku habo en shikore wano Aokai anak ne ku goro Kamui ne ruwe ne

¹¹ Iteki en orowa no ehangeko no rok wa en kore; yairamhekomo ambe ehange no an ruwe ne gusu ne na; Samata, kashiobiuki guru isam ruwe ne gusu ne na.

¹² Inne pinne beko en nikkotama; Bashan un okirashnu pinne beko en kopiuki ruwe ne.

¹³ Sambe-chinoiba wa hawe ash shishi korachi En orun paro hasa ruwe ne.

¹⁴ Wakka korachi a en echikiki, Ku pone obitta homeru: Ku sambe anak unkotuk koheraye, Aige, ku honi oshiketa ru nisa ruwe ne.

¹⁵ Ku kiroro anak ne sei humi korachi sat: Ku parumbe anak ku notkeu kotuk ruwe ne; Samata, Aokai anak ne rai gusu an pana orun en ande nisa ruwe ne.

¹⁶ Se ta en nikkotama; Uwekarapa wa okai wen-buri ki utara en okari nisa: Ku tekehe newa ku kemaha nei utara kushnare nisa ruwe ne na.

¹⁷ Ku pone obitta apishki eashkai; Nei utara en orun nukara, en orun enitomom ruwe ne.

¹⁸ Nei utara anak ne utashpa ku mipihi uwe-usaraye, Ku horowashi amip gusu ukokonchi etaye ruwe ne.

¹⁹ Aa Ehoba, iteki ehangeko no rok wa en kore: Aa en ikashiu Kamui, chashnu no en kashiobiuki wa en kore.

²⁰ Rangetam gusu ku ramat yokore, Seta orowa no ku ramat ohaitare wa en kore.

²¹ Shishi paro wano en yokore; Ruwe un, niwen beko kirawe orowa no en ohaitare wa en nu nisa ruwe ne na.

²² Ku iriwak utara otta E reihei ku nure kusu ne; Uwekari tumugeta E iramye ash kusu ne na.

²³ Ehoba koishitoma utara, Shinuma ramye yan; Yakob sanikiri echi utara anak ne Shinuma pasere yan; Obitta no okai Israeru sanikiri utara Shinuma koishitoma yan.

²⁴ Shinuma anak ne otek sak guru koro ramusarakbe esapse bene ki etunne bene ki shomoki; Shui, nei guru otta koro nanuhu nuina shomoki: Koroka, Shinuma konishuk ita anu nisa ruwe ne gusu ne na.

²⁵ Poro uwekari oshiketa ku ramuayep Aokai gusu hetuku ruwe ne: Shinuma koishitoma utara kotchaketa ku ki uitaknu ambe ku kara kusu ne.

²⁶ Ramu-rotcha utara aep e wa aeramushinne kusu ne: Ehoba hunara guru anak ne Shinuma koiramye kusu ne: E koro sambe otusashuishiri pakno ne yakka shiknure yan.

²⁷ Obitta no okai moshiri kese anak ne Ehoba eshikarun wa otta hosari kusu ne: Moshirʼun uirup utara obitta E kotchaketa ongami kusu ne na.

²⁸ Moshiri anak Ehoba korope ne: Shinuma anak ne moshirʼun utara esapanep ne ruwe ne.

²⁹ Moshirʼun mimush utara obitta ibe wa ongami ki kusu ne: Pana otta rap utara anak ne obitta Shinuma orun hepokiki kusu ne, Yaikota kon ramat shiknure eaikap guru ka nei no ki kusu ne.

³⁰ Shinuma otta yaishieiwangere utara okai; Ehoba orushpe oya ainu ikiri otta anure kusu ne.

³¹ Nei utara araki wa okaketa hetuku kusu ne utara otta Ehoba oupeka ambe ye, Shinuma tambe kan nisa ruwe ne ari an ambe nure kusu ne na.