Iyohaichish 2 - Ashiri Aeuitaknup Iyohaichish Yona 1897

2. Iyohaichish.

¹ NEP gusu moshiri uirup sakayo wa uwekarapa? Orowa, nep gusu utara ohap ramepakari ya?

² Moshiri shikkashima utara yaikota yaiyatte, Utara epungine utara anak ne Ehoba epeka no hemhem, Shinuma koro Messia epeka no hemhem utura ukoramkoro wa ene itak-hi:—

³ Atupepeoktep tuiba yanro, Koro tush ne yakka oyake un osurupa yanro, ani itak.

⁴ Kande otta rokbe mina: Utarapa anak ne nei utara esapse kusu ne na.

⁵ Nei ita Shinuma irushka wa nei utara otta ye; Shiri irushka wa chiukopoyere kusu ne na:

⁶ Yakka, Ku goro Ashkanne Sion nupuri kata, Ku moshiri shikkashima guru ku ashte nisa ruwe ne.

⁷ Ekambakbe Ku ashte: Ehoba en orun ene itak-hi, —Aokai anak ne Ku poho e ne ruwe ne, Tanto e hetukure ash na.

⁸ En koramkoro yan, yak anak ne moshiri uirup eikeshkore ash kusu ne, Moshiri-pa pakno moshiri-gesh pakno e kore ash na.

⁹ Kani kuwa ani aokai nei utara pakashnu, Sei shintoko kara guru koro sei shintoko humi-humi pereke korachi nei utara e pereke kusu ne.

¹⁰ Tambe gusu, moshiri shikkashima echi utara tane wayashnu no okai yan: Moshiri koipishi utara yaipakashnu yan.

¹¹ Ishitoma wa Ehoba otta yaishieiwangere yan, Tusushke wa nupetne yan.

¹² Poho irushka wa ru otta iteki echi isamka kuni ne Shinuma chopchopsekara yan, Inambe gusu ne yakun, tunashino Shinuma irushka kusu ne. Nen ne yakka Shinuma gusu eyaikopashte gurʼ anak ne anunuke ne ruwe ne na.