Iyohaichish 17 - Ashiri Aeuitaknup Iyohaichish Yona 1897

17. Iyohaichish.

Dabid ki inonno-itak.

¹ AA Ehoba, oupekap nu, ku ashte hawe nu wa en kore; Shunge sak no an patoi wano oashin ku ki inonno-itak nu wa en kore.

² En gusu an Aokai esanniyop en nure; Oheuge sakbe orun ingara wa en kore.

³ Aokai anak ne ku keutum shiruwande nisa; anchikara ta Aokai en orun ek nisa ruwe ne; En turusakte wa nep ka shomo E nukara; Ku paroho shomo ohaita kuni ne ku ramu-oshitchiu ruwe ne.

⁴ Utara iki ikip gusu, kuani anak ne E koro patoi un itak ani Niwen utara ruhu ku yaiohaitare nisa ruwe ne.

⁵ Kuani kiroro-yupu wa E kon ruhu otta ku apkash, Ku kema anak ne oshitteshu shomoki nisa ruwe ne na.

⁶ Aa Kamui, kuani E konishuk nisa, Aokai en orun ese kusu ne gusu ne na. E kisara en orun atte wa ku ye itak nu wa en kore.

⁷ Aokai gusu eyaikopashte utara koro shimon teke ani epokba utara orowa no ohaitare wa kashiobiuki Kamui, E koro poro omap an ramuhauge irenga eyaiyupki wa en kore.

⁸ E koro kunne-shik-num korachi en shikkashima, E tekkup sempiriketa en nuina wa en kore.

⁹ En eikoisamka wen utara orowa no, En raige rusui wa en nikkotama epokba utara orowa no en ohaitare wa en kore.

¹⁰ Nei utara yaikota koro keutum seshke; koro paro ani pakesara ambe ye ruwe ne.

¹¹ Chi paye ash koran rapoketa nei utara un nikkotama, Shiri kata pakno un hachire kuni ne shikihi atte ruwe ne na.

¹² Koro aep ibe-ehunara shishi chikoikip ukoheraye, Nuina no an ushiketa yongororo upen shishi korachi ne.

¹³ Aa Ehoba, bopuni, aige, nei utara iyetokush wa hachire, E koro rangetam ani wen utara wano ku ramat ohaitare wa en kore;

¹⁴ Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne.

¹⁵ Kuani anak ne oupeka wa E nanuhu ku nukara kusu ne: Ku mosh ita E katuhu ku nukara wa ku eramushinne kusu ne na.