Iyohaichish 16 - Ashiri Aeuitaknup Iyohaichish Yona 1897

16. Iyohaichish.

Dabid kara Miktam.

¹ AA Kamui, en koshiratki wa en kore; Aokai gusu ku eyaikopashte ruwe ne gusu ne na.

² Ehoba otta ene itak-hi:— Aokai anak ne ku goro Utarapa ne: Aokai moshima en gusu an pirikap isam ruwe ne na.

³ Moshiri kata okai ashkanne newa nupuru utara gusu, Kuani shiri enupetne ruwe ne.

⁴ Kamui itasare utara yairamhekomo ambe anak ne ainnere kusu ne: Nei utara kem oma iku enomi shomo ku echikiki, Orowa, kon reihei ku patoi ta shomo ku koro kusu ne na.

⁵ Ehoba anak ne ku tuki newa eikeshkorobe gusu an aeimekbe ne: Aokai anak ne ku koro kunip shikkashima Kamui E ne ruwe ne.

⁶ Pakari ka anak ne en gusu pirika ushiketa aande wa an; Ruwe un, Ku eikeshkorobe pirika ruwe ne.

⁷ En epakashnu kusu ne Ehoba ku nunuke kusu ne; Ruwe un, kunne pa ta ku keutum en pakashnu ruwe ne.

⁸ Ramma ku shik-samata Ehoba ku ande nisa: Shinuma anak ne ku shimon-tek samta an gusu, shomo a en moimoigere kusu ne.

⁹ Tambe gusu, ku sambe yainuchattek, ku nupeki nupetne ruwe ne: Ku kam ne vakka sambe-horararase no oshiroma kusu ne na.

¹⁰ Inambe gusu ne yakun, Aokai anak ne Sheo osbiketa ku ramat ande shomoki, E koro Ashkanne guru iteki munin kuni ne E kara kusu ne gusu ne na.

¹¹ Ishu oma ru Aokai en eramande kusu ne: E tek samata aeyainuchattekbe anak aeshik ruwe ne; E koro shimon teke otta otusashuishiri pakno an pirikap okai ruwe ne na.