Iyohaichish 146 - Ashiri Aeuitaknup Iyohaichish Yona 1897

146. Iyohaichish.

¹ YAH ramye yan. Aa ku ramat, Ehoba ramye yan,

² Ku onne pakno Ehoba ku reika kusu ne: Ku an pakno Kamui orun ramye shinotcha ku ki kusu ne.

³ Esapane utara koro poho iteki eyaikopashte yan, Ainu poho iteki eyaikopashte yan, nei utara kashiobiuki eaikap ruwe ne gusu ne na.

⁴ Shinuma heisepa oashin, toitoi orun shinuma hoshipi; Nei toho ta shinuma esanniyo yainu-hi ush ruwe ne.

⁵ Kashiobiuki gusu Yakob koro Kamui koro gurʼanak ne, Koro Kamui ne Ehoba orun chipachipa gurʼanak ne anunuke ne:

⁶ Nei Kamui anak ne kando newa toitoi, Atui newa otta obitta no okaibe kan nisa; Shinuma otusashuishiri pakno sonep shikkashima ruwe ne:

⁷ Shinuma aeramunishte akore utara gusu koipishi ki wa esanniyo; Ibe rusui utara ibere: Ipakashnu chisei ta okai utara honnere ruwe ne;

⁸ Ehoba anak ne shiknak utara koro shiki maka; Ehoba anak ne hotku utara hopunire; Ehoba anak ne oupeka utara omap ruwe ne;

⁹ Ehoba anak ne oya utara koshiratki; Eshikop sak utara newa shiyompiyara shiwentep nitatpa ruwe ne; Koroka, Shinuma wen utara kon ruhu oheugere ruwe ne.

¹⁰ Ehoba anak ne otusashuishiri pakno epungine, Aa Zion, e koro Kamui anak ne obitta no okai ainu santek ikiri an pakno epungine kusu ne na. Yah ramye yan.