Iyohaichish 145 - Ashiri Aeuitaknup Iyohaichish Yona 1897

145. Iyohaichish.

Iramyep; Dabid karape.

¹ AA Moshiri shikkashima ku goro Kamui, E koiramye ash kusu ne; Otusashuishiri pakno E reihei ku nunuke ash kusu ne na.

² Kesto E nunuke ash kusu ne; Otusashuishiri pakno E reihei ku reika ash kusu ne na.

³ Ehoba anak ne poro wa pasetara airamye kunip ne; Shinuma poro-i anak ne apakari eaikap ne.

⁴ Shine ainu ikiri anak ne oya ainu ikiri pakno E ki ikip ramye, Orowa, E kara poro ikip assuru ashte kusu ne na.

⁵ Aoshkoro an E koro nupeki pasetara-hi hene, E ki eiyokunnure ikip ku ramepakari kusu ne.

⁶ Orowa, utara anak ne E ki ashitoma kiroro gusu ye; Aige, E koro pase ambe assuru ku ashte kusu ne na.

⁷ Nei utara anak ne E koro pase pirika-hi eshkarun wa ye, Orowa, E koro oupeka ambe gusu shinotcha ki kusu ne.

⁸ Ehoba anak ne irenga sange wa chishikiraine eshik; Irushka moire wa poron no erampokiwen wa kore ruwe ne.

⁹ Ehoba anak ne obitta no okai utara epeka no pirikap ne; Shinuma koro ramuhauge rampoken irenga obitta no okai koro ikip kashita an ruwe ne.

¹⁰ Aa Ehoba obitta no okai E ki ikip anak ne E orun koyaiiraige kusu ne; E koro ashkanne utara E nunuke kusu ne na.

¹¹ Nei utara E koro moshiri gusu an arakuru gusu itak, Orowa, E koro kiroro gusu ye kusu ne.

¹² Shinuma ki kiroro an ikip newa, Shinuma koro moshiri gusu an arakuru pasetara ambe ainu poho utara otta nure kuni gusu ne na.

¹³ E koro moshiri anak ne ramma pakno an, Orowa, E koro esapane kuni mondum anak ne otusashuishiri pakno epa ruwe ne.

¹⁴ Ehoba anak ne ohitta no okai hachiripa utara nitatpa, Orowa, obitta no okai hotku utara punire ruwe ne.

¹⁵ Obitta no okai utara koro shiki E orun ingara; Aige, auk kuni ita Aokai nei utara orun aep koropare ruwe ne.

¹⁶ Aokai anak ne E tekehe maka, Aige, obitta no okai shiknup eramushinne ruwe ne.

¹⁷ Ehoba anak ne obitta no okai koro ruhu gusu oupeka ne. Obitta no iki ikip gusu ashkanne ruwe ne.

¹⁸ Otta konishuk utara Ehoba anak ne ehange no an ruwe ne. Sonep ani Shinuma konishuk utara otta ehange no an ruwe ne.

¹⁹ Shinuma anak ne koishitoma utara kon rusuibe eramushinnere kusu ne; Shinuma nei utara ashte hawe nu wa kashiobiuki kusu ne na.

²⁰ Ehoba anak ne obitta no okai ko-omap utara koshiratki ruwe ne; Koroka, wen utara obitta isamka kusu ne na.

²¹ Koroka, ku paroho anak ne Ehoba ramye kuni itak sange; Obitta no okai utara otusashuishiri pakno Shinuma koro ashkanne reihei nunuke yanro.