Iyohaichish 140 - Ashiri Aeuitaknup Iyohaichish Yona 1897

140. Iyohaichish.

Rektep esapane guru gusu. Dabid kara iyohaichish.

¹ AA Ehoba, wen guru orowa no en ohaitare wa en kore; Yupke buri iki guru an gusu en koshiratki wa en kore:

² Nei utara anak ne koro keutum ta wenbe ramepakari; Ramma-kane tumi hopunire ruwe ne.

³ Okokko korachi koro parumbe eenka; Koro papush choropoketa kunne-hike surugu an ruwe ne. [Sera.]

⁴ Aa Ehoba, wen utara koro teke wano en shishire; Orowa, yupke buri iki guru an gusu en koshiratki wa en kore. Nei utara anak ne ku apkash-i henoyere rusui ruwe ne gusu ne na.

⁵ Pakesara utara anak ne en gusu kutek ande, tush ande nisa; Bu homtomta ya pirasa; En gusu akbe yokore nisa ruwe ne. [Sera.]

⁶ Aokai anak ne ku goro Kamui ne sekoro Ehoba otta ku ye nisa: Aa Ehoba, ku koramkoro hawe ikokanu wa nu wa en kore.

⁷ Aa Utarapa ne Ehoba, Aokai anak ne en kashiobiuki kiroro E ne, Tumi an toho ta Aokai ku sapa kamure nisa ruwe ne.

⁸ Aa Ehoba, wen utara kon rusuibe iteki koropare; Koro wen ramepakari ambe iteki hetukure; ikineipeka nei utara yairikta ande kusu ne gusu ne na. [Sera.]

⁹ En okarita uwekarapa utara koro sapa gusu, Yaikota koro papush oma irarape ani akamure kuni ne kara wa en kore:

¹⁰ Paraparase abe-kes nei utara kashiketa ahachire yan: Abe otta aosurupare; Iteki kanna hopumba kuni ne, ooho shui orun eyapkire wa en kore.

¹¹ Itak-rui gurʼanak ne moshiri kata shomo aashte kusu ne: Isamka kuni gusu wenbe anak ne yupke buri iki guru ramande kusu ne.

¹² Ehoba anak ne ayairamshitnere utara ikemnu, Orowa, irapokkari utara gusu an aesanniyop ashte kusu ne sekoro ku eraman.

¹³ Son no ne wa oupeka utara anak ne E kon reihei otta koyaiiraige kusu ne. Oupeka utara E tek-samata oshiroma kusu ne na.