Iyohaichish 14 - Ashiri Aeuitaknup Iyohaichish Yona 1897

14. Iyohaichish.

Shinotcha rekte esapane guru gusu, Dabid kara Iyohaichish.

¹ Kamui isama sekoro wayasap guru keutum ta itak. Nei utara munin okere, aetunne ikip ki nisa ruwe ne; Pirikap ki shiri guru isam ruwe ne.

² Utara poho tumugeta wayashnu guru okai ya? Kamui hunara guru okai ruwe he an, ari nukara gusu, Ehoba kando wano ingan nisa ruwe ne.

³ Obitta ouhaita ruwe ne; shine ikinne hura-at ruwe ne; Pirikap ki guru isama, shinen poka isam ruwe ne.

⁴ Irarape ki utara obitta ramu isambe ne ruwe he an? Nei utara aep ibe korachi ku goro utara ibe, Samata, Ehoba konishuk shomoki ruwe ne.

⁵ Nei ita, shinuma utara kimatek wa ishitoma: Kamui anak ne oupeka utara sanikiri tura no an ruwe ne gusu ne na.

⁶ Echi utara anak ne otek-sak guru ukoramkor-i yainikoroshmare nisa, Koroka, Ehoba anak nei guru gusu an aeiyaikopashterep ne ruwe ne.

⁷ Sion orowa no Israeru kashiobiuki-i akoropare yak humi! Ehoba anak ne koro teke apashte uirup hoshippare ita, Yakob nupetne, Israeru yainuchattek kusu ne na.