Iyohaichish 139 - Ashiri Aeuitaknup Iyohaichish Yona 1897

139. Iyohaichish.

Rektep esapane guru gusu. Dabid kara iyohaichish.

¹ AA Ehoba, Aokai anak ne en pishi wa en eraman ruwe ne.

² Ku a shiri ash shiri-hi Aokai eraman, Ehangeko no an ushike wano Aokai anak ne ku yainu-hi ramepakari ruwe ne.

³ Aokai anak ne ku apkash ru hemhem ku hotke-i hemhem nukara, Orowa, ku ki buri obitta esanniyo ruwe ne.

⁴ Aa Ehoba, ingarʼan, Aokai earikinne erampeutek itak, Shinep poka ku parumbe otta isam ruwe ne.

⁵ Aokai anak ne en oshmake ne yakka en kotchake ne yakka an, Aige, en kashiketa e tekehe ande nisa ruwe ne na.

⁶ Nei no okai eramushbe anak ne en gusu pase mashkin ruwe ne; Ri ambe ne, pakno ku epa eaikap ruwe ne.

⁷ E kon ramat orowa no hunakta ku arapa kusu ne ya? Shui, E nanuhu orowa no hunak un ku kira kusu ne ya?

⁸ Kando orun ku rikin chiki, Aokai toada an: Sheo oshiketa shotki ku kara chiki, ingaran, Aokai toada an.

⁹ Kunneiwano tekkup ku koro wa Atuigesh ta oshiroma chiki;

¹⁰ Nei ushiketa poka ne yakka E tekehe en ani kusu ne, E koro shimon-tek en kishima kusu ne na.

¹¹ Son no newa kunne-i en kamure kusu ne, Orowa, en okari ta an pekere kunnep ne sekoro ku ye chiki;

¹² E otta kunne-i ne yakka nuina shomoki, Koroka, an anak ne tokap korachi pekere atte: Kunne newa pekere newa Aokai gusu ukorachi an ambe ne ruwe ne.

¹³ Aokai anak ne ku onnaige shikkashima nisa Ku habo honihi ta ku an rapoketa Aokai anak ne en kan nisa.

¹⁴ Kuani anak ne ashitoma newa aiyokunnure no akara gusu; E koyaiiraige ash kusu ne: E ki ikip anak ne iyokunnure ambe ne; Nei ambe ku kon ramat pirika no eraman ruwe ne.

¹⁵ Anuina no an ushiketa a en kara, Aeoyamokte no moshiri iyotta rata an ushiketa a en kara ita anak ne, Ku kon niyehe Aokai otta shomo anuina nisa ruwe ne na.

¹⁶ E koro shikihi anak ne naa shomo aokere ku netobake nukara, Orowa, obitta no okai ku koro awehe E koro kambi kata anuye nisa ruwe ne, Nei ambe anak ne naa isam no okai korachi an ita, Kesto-kesto katuhu akore nisa ruwe ne.

¹⁷ Aa Kamui, E koro yainuhi anak ne hemanda en gusu aoshkorobe humi! Nei pishki-hi anak ne hemanda poro humi!

¹⁸ Nei okaibe ku pishki chiki ota kasu no inne ruwe ne: Ku mosh chiki, E tura no ku an na.

¹⁹ Aa Kamui, son no newa Aokai anak ne wen utara ronnu kusu ne; Tambe gusu, iraye rusui utara en orowa no oyakta paye yan.

²⁰ Inambe gusu ne yakun, wen no E ohaigekara, Orowa, E epokba utara raka-isam no E keshke ruwe ne.

²¹ Aa Ehoba, E etunne utara shomo ku etunne ruwe he an? Orowa, E epokba gusu hopumba utara gusu shomo ku oknatara ruwe be an?

²² Son no etunnep ani kuani nei utara etunne ruwe ne: En epokba utara ne sekoro ku esanniyo ruwe ne.

²³ Aa Kamui, en pishi wa ku goro keutum onnere wa en kore! En shiruwande wa ku yainu-hi onnere yan:

²⁴ Orowa, en onnaigeta wen-buri an ruwe he an? sekoro ingara, Samata, otusashuishiri pakno an ruhu otta en an de wa en kore.