Iyohaichish 132 - Ashiri Aeuitaknup Iyohaichish Yona 1897

132. Iyohaichish.

Payekai shinotcha.

¹ AA Ehoba, Dabid ki obitta no okai aeshirikirap Eshkarun wa en kore;

² Shinuma Ehoba orun shiyuppa no ekambakte, Yakob koro okirashnu nep otta uitaknu ki nisa ruwe ne:

³ Son no newa ku kot chisei ne kash orun shomo ku ahun, Ku shotki kata shomo ku hotke;

⁴ Ku koro shikihi shomo ku mokore, Ku shikkap shomo ku yainuratte;

⁵ Ehoba gusu ushike ku nukara pakno, Yakob koro Okirashnu nep koro kash ku pa pakno ene ne kusu ne na.

⁶ Ingarʼan, Epraim ta an sekoro chi nu: Nei nitai oshiketa an nup ta chi nukan nisa.

⁷ Chi utara anak ne Shinuma koro kash otta ahup; Shinuma koro kema aandep samaketa ongami ki kusu ne na.

⁸ Aa Ehoba, hopuni wa E koro shini kuni ushike orun arupa; Aokai newa E koro okira gusu an shuop tura,

⁹ E kora kenru otta yaishieiwangere wa okai utara oupekap ani utomchiure yan; Orowa, E koro Ashkanne utara nupetne gusu hawe ashte wa en kore.

¹⁰ E koro uitek guru ne Dabid gusu, E koro kashiaota guru koro nanuhu iteki oyake un hosarire wa en kore.

¹¹ Ehoba anak ne sonep ani Dabid gusu shiyuppa no ekambakte; Aige, Shinuma nei ambe shomo eshishi kusu ne: E koro netobake orowa no hetuku guru e koro amset kata ku are kusu ne na.

¹² E koro poho utara anak ne ku koro uitaknup newa, Ku epakashnu ekambakbe shikkashima chiki, Nei utara koro poho otusashuishiri pakno e koro amset kata rok kusu ne.

¹³ Inambe gusu ne yakun, Ehoba anak ne Zion numge nisa; Otta oshiroma gusu kon rusui ruwe ne.

¹⁴ Tambe anak ne otusashuishiri pakno an ku shini ushike ne: Teda ku oshiroma kusu ne; nei ushike ku kon rusui ruwe ne gusu ne na.

¹⁵ Shinuma koro aep nuye an no kuni ne shipiraspare: Amam ani koro irapokkari utara ku ramushinnere kusu ne.

¹⁶ Koro Kamui kora kenru otta yaishieiwangere utara kashiobiuki-hi ani ku utomchiure kusu ne: Orowa, Shinuma koro Ashkanne utara yaikopuntek wa anu no haukore hunitara kusu ne na.

¹⁷ Dabid koro kirau kenituk ku hetukure kusu ne: Ku goro kashiaota guru gusu ratchako ku etoko-oiki okere.

¹⁸ Shinuma epokba utara yainikoroshrna ambe ani ku utomchiure kusu ne; Koroka, Shinuma kashiketa koro inaoru shipirasa kusu ne na.