Iyohaichish 130 - Ashiri Aeuitaknup Iyohaichish Yona 1897

130. Iyohaichish.

Payekai shinotcha.

¹ AA Ehoba ooho ushike wano E orun ku konishuk nisa.

² Utarapa, ku koro hawe nu: Ku koramkoro hawe nu gusu Ikokanu wa en kore

³ Yah, Aokai anak ne wen-buri esanniyo chiki, Aa Utarapa, ash kuni guru nen ne ruwe?

⁴ Koroka, Aokai akoishitomai kuni gusu, E otta katpak tusare ambe an na.

⁵ Ehoba gusu ku chipachipa, ku ramat anak ne ehuye wa an, Shinuma koro itak gusu ku chipachipa ruwe ne.

⁶ Shiruwe guru nisat ek kuni ingara kasu no, Ku ramat anak Utarapa e chipachipa; Shiruwe gusu nisat gusu kasu no ne ruwe ne.

⁷ Aa Israeru un utara, Ehoba gusu chipachipa yan; Ehoba otta rampoken an, Shinuma otta: nuye an no an kikiraye ambe an ruwe ne: gusu ne na.

⁸ Shinuma anak ne obitta no okai wen-buri gusu, Israeru kikiraye kusu ne.