Iyohaichish 129 - Ashiri Aeuitaknup Iyohaichish Yona 1897

129. Iyohaichish.

Payekai shinotcha.

¹ SHUKUP tuikata nei utara anak ne kanna-kanna en yairamhekomore nisa, Tane Israeru un utara ye yan;

² Shukup tuikata nei utara anak ne kanna-kanna en yairamhekomore nisa: Yakka shomo en annokara na.

³ Toipushup koro utara anak ne ku seturu kata ki wa, Tanne ru kan nisa ruwe ne.

⁴ Ehoba anak ne oupeka ne: Wen utara koro tush otuye nisa ruwe ne.

⁵ Zion etunne obitta no okai utara anak ne, Ayainikoroshmare wa ahosarire yan.

⁶ Naa shomo shukup etokota shumumge Chisei kitaigeta okai mun korachi ne kara:

⁷ Nei ambe ani nange guru anak ne koro teke shikte shomoki, Orowa, tantaku kara guru nei ambe ani koro upshoro shomo shikte ruwe ne.

⁸ Shui, Ehoba shinnunuke bi e kashiketa an na; Ehoba reihei ankushkerai chi utara echi nunuke ash na, Ari an itak ani shirikush wa paye utara shomo ye ruwe ne.