Iyohaichish 122 - Ashiri Aeuitaknup Iyohaichish Yona 1897

122. Iyohaichish.

Payekai shinotcha; Dabid karape.

¹ EHOBA kora kenru orun paye yanro sekoro, En orun nei utara itak ita anak ne ku yaikopuntek nisa ruwe ne.

² Aa Yerusarem kotan;chikoro chikiri anak ne, E koro apa otta ash wa okai ruwe ne.

³ Ukotura aashte wa an machiya nei no, Yerusarem kotan, aokai akara na.

⁴ Israeru un utara orun paweteshu an gusu, Ehoba reihei koyaiiraige gusu, Moshiri uirup Yah koro uirup poka nei orun hemeshpa ruwe ne.

⁵ Nei kotan ta esanniyo gusu an amset, Dabid chisei un utara koro amset aashte wa okai ruwe ne gusu ne na.

⁶ Yerusarem kotan ta itomo irenga an kuni inonno-itak ki yan: E omap utara anak ne aeyaiepirikare kusu ne.

⁷ E koro chashi onnaigeta itomo irenga an, E koro yop chisei ta pirikap ashipiraspare kuni ako-ramkoro.

⁸ Ku iriwak utara newa katairotke utara gusu, E oshiketa itomo irenga an na, sekoro tane ku ye kusu ne na.

⁹ Chikoro Kamui ne Ehoba kora kenru gusu, E pirikare kuni ne ku ki kusu ne na.