Iyohaichish 115 - Ashiri Aeuitaknup Iyohaichish Yona 1897

115. Iyohaichish.

¹ UN orun shomo ne Aa Ehoba, un orun shomo ne, Koroka, E koro rampoken gusu, E koro sonep gusu, E kon reihei orun iramyere yan.

² Nei utara koro Kamui hunakta an? ari an itak ani, Hemanda gusu moshiri uirup ye ya?

³ Koroka, chikoro Kamui anak ne kando otta an: Nep ne yakka Shinuma ki rusuibe aki nisa ruwe ne.

⁴ Nei utara koro potoki anak ne shirokani newa kongani ne. Ainu teke ani akarape ne ruwe ne.

⁵ Nei ambe paroho koro, koroka, itak eaikap; Shikihi koro, koroka, ingara eaikap ruwe ne;

⁶ Kisaraha koro, koroka, nu eaikap; Etuhu koro, koroka, hura nu eaikap ruwe ne;

⁷ Teke koro, koroka, okaibe tomooshma eaikap; Chikiri koro, koroka, apkash eaikap ruwe ne; Shui, rekuchi wano itak hawe sange eaikap ruwe ne na.

⁸ Nei okaibe kara utara anak ne nei ambe koheraye ruwe ne, Ruwe un, otta nen ne yakka eyaikopashte guru ne yakka ene ani ne ruwe ne.

⁹ Aa Israeru un utara, Ehoba eyaikopashte yan: Shinuma anak nei utara koro ikashuibe ne, koro tam-kikhumbe ne ruwe ne.

¹⁰ Aa Aaron chisei un utara, Ehoba eyaikopashte yan: Shinuma anak nei utara koro ikashuibe ne, koro tam-kikhumbe ne ruwe ne.

¹¹ Ehoba koishitoma echi utara, Ehoba eyaikopashte yan: Shinuma anak nei utara koro ikashuibe ne, koro tam-kikhumbe ne ruwe ne.

¹² Ehoba un eshkarun nisa; Shinuma un nunuke kusu ne: Shinuma Israeru chisei un utara nunuke kusu ne; Shinuma Aaron kot chisei nunuke kusu ne na.

¹³ Shinuma anak ne Ehoba koishitoma utara Porobe ne yakka ponbe ne yakka nunuke kusu ne.

¹⁴ Ehoba anak ne echi utara ne yakka echi koro poho utara ne yakka Naa naa innere kusu ne.

¹⁵ Kando newa toitoi kara Ehoba koro echi utara anak ne anunuke ne.

¹⁶ Kando newa kando un kando anak ne Ehoba korope ne; Koroka, Shinuma anak ne utara koro poho otta toitoi koropare nisa ruwe ne.

¹⁷ Bai guru anak ne Yah koiramye shomoki, Shui, mo an ushike orun rap utara shomo Shinuma ramye ruwe ne;

¹⁸ Koroka, chi utara anak ne tewa no ramma pakno Yah koiramye kusu ne. Yah ramye yan.