Iyohaichish 112 - Ashiri Aeuitaknup Iyohaichish Yona 1897

112. Iyohaichish.

¹ YAH koiramye yan. Ehoba koishitoma wa Koro ikashpaotte shi no enupetne ainu anak ne anunuke ne.

² Shinuma koro sanikiri anak ne moshiri kata okirashnu ne. Oupeka ainu ikiri anak anunuke ne kusu ne.

³ Shinuma kot chisei ta ikoro newa aeoteknup okai: Koro oupeka-i ramma pakno an kusu ne na.

⁴ Oupeka utara gusu kunne-i otta pekere hetuku: Irenga sange, rampoken eshik, oupekap ne ruwe ne.

⁵ Irenga sange wa erusa guru gusu anak ne pirika ruwe ne! Akoipishi ita shinuma yaioupekare kusu ne.

⁶ Shinuma ramma pakno amoimoigere shomoki kusu ne! Oupeka utara otusashuishiri pakno aeshkarun kusu ne.

⁷ Wen orushpe an yakka shinuma ishitoma shomoki: Shinuma Ehoba eyaikopashte wa koro sambe atte wa an na.

⁸ Koro keutum atte wa ishitoma shomoki, Koro epokba utara otta aki pakno ne.

⁹ Shinuma chari wa irapokkari utara otta koro nisa; Koro oupeka ambe ramma pakno an: Koro kirawe aeoripakbe ani ariknare kusu ne.

¹⁰ Wen utara nei ambe nukara wa yairamkoiki kusu ne; Koro nimaki ari seikui wa nin kusu ne: Wen utara kon rusuibe aisamka kusu ne na.