Iyohaichish 111 - Ashiri Aeuitaknup Iyohaichish Yona 1897

111. Iyohaichish.

¹ YAH koiramye yan. Oupeka utara ukoramkor-i ta hemhem utara uwekari ta hemhem, Ramu osshi wano Ehoba ku koyaiiraige kusu ne na.

² Ehoba ki ikip anak ne poro, Otta enupetne utara ahunara ruwe ne na.

³ Shinuma ki ikip aeoripakbe newa pase ambe ne: Orowa, koro oupeka ambe anak ne shiokere shomoki ruwe ne.

⁴ Koro iyokunnure ikip aeshkarunde kuni ne Shinuma kara; Ehoba anak ne irenga sange wa chishikiraine ani eshik ruwe ne.

⁵ Koishitoma utara otta aep koropare nisa. Ramma koro uitaknup eshkarun kusu ne na.

⁶ Koro utara otta Shinuma ki ikip oma kiroro nukare, Aine, moshiri uirup utara eikeshkore nisa ruwe ne gusu ne na.

⁷ Shinuma teke ki ikip anak ne sonep newa aesanniyo-i ne ruwe ne; Obitta no okai Shinuma sange ipawetenge anak ne son no ambe ne.

⁸ Otusashuishiri wano otusashuishiri pakno ash kusu ne, Son no ambe newa oupekap ani akan na.

⁹ Koro utara gusu kikiraye ambe Shinuma sange; Ramma pakno koro uitaknup ikashpaotte: Shinuma kon reihei Ashkanne newa aeoripak ambe ne ruwe ne.

¹⁰ Ehoba koishitoma ambe anak ne wayashnu-i eatpake ne; Nei no ki utara anak ne eraman utara ne ruwe ne: Shinuma akoiramye-hi anak ne otusashuishiri pakno an ambe ne ruwe ne na.