Iyohaichish 110 - Ashiri Aeuitaknup Iyohaichish Yona 1897

110. Iyohaichish.

Dabid kara iyohaichish.

¹ EHOBA anak ne ku goro Utarapa otta ene itak-hi:— E epokba utara ani e chikiri andep ne ku kara pakno, Ku shimon tek-samata a yan, ari itak.

² Ehoba anak ne Zion wano e kiroro oma kanni turi kusu ne: E epokba utara tumugeta aokai epungine yan.

³ Mondum e koro toho ta e koro utara anak ne yaieinukuri shomoki no yaikota yange ruwe ne: Arokunneiwano orowa no, shiyuk amip imi wa, Aokai anak ne upenbe kinape kon ruwe ne.

⁴ Ehoba shiyuppa ekambakte wa eyaikokatpak shomoki, Aokai anak ne Merukisedek korachi Otusashuishiri pakno Kamui otta yaishieiwangere guru ne.

⁵ E shimon-tek samata an Utarapa anak ne Irushka toho ta moshiri esapane guru ekushna shirikik kusu ne.

⁶ Shinuma moshiri uirup tumta koipishi ki, Kaisei ani ushike shikte Inne moshiri ta sapa ekushna shirikik kusu ne.

⁷ Shinuma ru hontomta an nai otta iku, Tambe gusu, sapaha puni kusu ne na.