Iyohaichish 11 - Ashiri Aeuitaknup Iyohaichish Yona 1897

11. Iyohaichish.

Shinotcha rekte esapane guru gusu: Dabid kara Iyohaichish.

¹ EHOBA gusu ku eyaikopashte; Chikap nei no e kon nupuri orun arapa yan, ari an itak ani, Hemanda gusu ku ramat otta e ye ya?

² Ingarʼan wen utara anak ne koro ku koreuba, Ku ka kata koro ai atte, Keutum oupeka guru shiri-kunne an ita ai-eroshki kuni gusu ne na.

³ Asamaha aisamka chiki, Oupeka guru nekon a iki ya?

⁴ Ehoba anak ne koro ashkanne kenru ta an; Ehoba koro amset kando kata an ruwe ne; Koro shikihi ingara, koro shikkap anak ne ainu poho shiruwande kusu ne.

⁵ Ehoba anak ne oupeka guru shiruwande; Koroka, wen guru hemhem yupke buri omap guru hemhem Shinuma kon ramat etunne ruwe ne.

⁶ Wen utara kata Shinuma akbe sange: abe newa iwau, orowa, abe o ashitoma rera nei utara otta akoeimek kusu ne.

⁷ Ehoba anak oupekap ne gusu, oupeka utara omap nisa ruwe ne gusu ne na. Orowa, oheuge-sak guru Shinuma koro nanuhu nukara kusu ne na.