Iyohaichish 109 - Ashiri Aeuitaknup Iyohaichish Yona 1897

109. Iyohaichish.

Shinotcha rekte esapane guru. Dabid kara iyohaichish.

¹ AA Ku iramye Kamui iteki mo no an wa en kore;

² Inambe gusu ne yakun, wen utara anak ne en orun wen paroho newa shunge paroho maka, Aige, en gusu shunge parumbe ani itak nisa ruwe ne na.

³ Etunne itak ani ne yakka en nikkotama, Ikkewe sak no en koiki nisa ruwe ne.

⁴ Inambe gusu ne yakun, ku katairotke utara anak en epokba: Koroka, inonno-itak ku ki na.

⁵ Orowa, pirikap ku ki a gusu, wenbe en kashi-omare, Shui, ku omap gusu en kowen ruwe ne.

⁶ Wen guru anak nei guru esapanere wa en kore: Orowa, shinuma shimon samata epokba guru ashte yan.

⁷ Shinuma akoipishi chiki, akokatpakte; Orowa, shinuma ki, inonno-itak katpak ne kara wa en kore.

⁸ Shinuma koro toho moyore; Koro ki kuni ushike oya guru shikkashimare wa en kore.

⁹ Koro poho utara eshikop sakno ne kara, Koro machihi shiyompiyara ne kara wa en kore.

¹⁰ Koro poho utara ramma keshirikari wa iyahupkara guru ne kara Koro wen chisei wano paye wa aep iyahupkara kuni kara wa en kore

¹¹ Obitta no Shinuma korobe etaraka uk guru orowa no ashikkashimare; Orowa, oya utara anak ne shinuma moni wendere wa en kore.

¹² Shinuma orun irenga sange wa kore guru isam kuni ne kara; Shui, Shinuma koro eshikop sak utara chishikiraine kuni utara isam kuni ne kara wa en kore.

¹³ Shinuma sanikiri isamka; Okake an ainu ikiri ta kon reihei ushka wa en kore.

¹⁴ Shinuma koro ekashi ki wen-buri Ehoba eshkarun; Orowa, koro habo koro katpak iteki ushka wa en kore.

¹⁵ Ramma nei okaibe Ehoba shik-samata an, aige, Nei guru moshiri kata aoira kuni ne ki wa en kore.

¹⁶ Shinuma erampokiwen wa kore shomoki, Koroka, otek-sak newa irapokkari guru newa Sambe oknatara guru ronnu kuni ne keshke nisa ruwe ne gusu ne na.

¹⁷ Ruwe un, shinuma iyoitakushi ambe konoburu, awa, orota nei ambe ek nisa; Orowa, Shinuma nunuke ambe enupetne shomoki, aige, nei ambe shinuma orowa no ukattuima no an nisa ruwe ne.

¹⁸ Amip mi korachi iyoitakushi ambe ani yaimire nisa, Awa, wakka nepkoro shinuma onnaige un ahun, Shum korachi shinuma koro pone orun ahun nisa ruwe ne.

¹⁹ Nei ambe anak ne ani yaimire amip nei no, Ani ramma kutkoro kut nei no an kuni kara wa en kore.

²⁰ Tambe anak en epokba utara newa Ku kon ramat gusu wenbe ye utara gusu an Ehoba orowa no hetuku pummaha ne ruwe ne.

²¹ Aa Kamui ne Ehoba, E kon reihei gusu, en orun iki wa en kore: E koro rampoken pirika ruwe ne gusu, en ohaitare wa en kore,

²² Kuani anak ne otek-sak newa erapokkari guru ku ne, Orowa, en onnaigeta ku sambe piri ao ruwe ne gusu ne na.

²³ Kuani, atannere kurihi korachi ku nin, Patta korachi ariknashuye aranashuye ruwe ne.

²⁴ Shomo ramnu ku ki gusu ku kokka opantusushke; Orowa, ku kam otta mimi nin ruwe ne.

²⁵ Nei utara gusu aeyainikoroshare ambe ku ne: En nukara chiki koro sapa shuyeshuye ruwe ne.

²⁶ Ku koro Kamui ne Ehoba, en kaobiuki wa en kore; E koro rampoken an korachi en kashiobiuki wa en kore:

²⁷ Tambe anak E koro teke ne sekoro eraman kuni gusu; Ehoba, Aokai nei no ki nisa ruwe ne.

²⁸ Nei utara iyoitakushi yakka, Aokai nunuke wa en kore: Nei utara hopumba chiki ayainikoroshmare kusu ne koroka, E koro uitek guru ramuritetke kusu ne, na.

²⁹ Akoatchap ani en epokba utara mire, Orowa, amip korachi yaikota gusu an aeyainikoroshmare ambe ani kamure wa en kore.

³⁰ Ku paroho ani Ehoba ku koyaiiraige kusu ne; Ruwe un, inne utara tumugeta Shinuma ku koiramye kusu ne na.

³¹ Inambe gusu ne yakun, kon ramat koipishi guru gusu kashiobiuki kuni ne, Shinuma irapokkari guru koro shimon tek-samata a kusu ne gusu ne na.