Iyohaichish 107 - Ashiri Aeuitaknup Iyohaichish Yona 1897

107. Iyohaichish.

¹ AA, Ehoba koyaiiraige yan; Shinuma pirika ruwe ne: Ramma pakno Shinuma koro rampoken an ruwe ne gusu ne na.

² Epokba utara koro teke wano kikiraye hemhem ki; Moshiripa wano moshirigesh wano, Pikata wano Arutoro wano,

³ Nei moshiri wano uwekarapa, Ehoba koro kikiaraye utara nei no ye yan.

⁴ Nei utara kimta okai nup un ru otta ekeshne no payekai wa, Oshiroma kuni machiya anukara shomoki nisa ruwe ne.

⁵ Ibe rusui, iku rusui wa Nei oshiketa sambe rai nisa.

⁶ Nei ita nei utara anak ne yairamkoiki wa Ehoba konishuk, Awa, Shinuma nei a yairamshitnere-i wano ohaitare nisa ruwe ne.

⁷ Orowa, oshiroma kuni machiya orun paye kuni ne, Shinuma kuwanno an ruhu otta nei utara tura nisa ruwe ne na.

⁸ Aa, nei pirikap gusu hemhem, Utara koro poho otta aki iyokunnure ikip gusu hemhem ainu utara Ehoba koiramye yak humi!

⁹ Shinuma anak ne keutum eyaikatekara ambe eramushinnere, Orowa, pirikap ani ibe rusui keutum shikte ruwe ne gusu ne na.

¹⁰ Yaiyan-kani newa ayairamshitnere-hi ani atupetupe wa, Kunne-i newa rai kurihi otta rok utara;

¹¹ Kamui itak eokbare gusu, Iyotta Rikunbe koro aesanniyop koatcha gusu:

¹² Tambe gusu, Shinuma moni ani nei utara kon ramat anrapokekara; Nei utara hachiri nisa, aige, kashiobiuki guru isam ruwe ne.

¹³ Nei ita utara anak ne yairamkoiki wa Ehoba konishuk, Awa, nei a yairamshitnere-hi gusu Shinuma kashi-obiuki nisa ruwe ne na.

¹⁴ Kunne-i newa rai kuruhi wano Shinuma nei utara etaye, Orowa, ani tupetupe ambe kaye nisa ruwe ne.

¹⁵ Aa, nei pirikap gusu hemhem, Utara koro poho otta aki iyokunnure ikip gusu ainu utara Ehoba koiramye yak humi!

¹⁶ Shinuma anak ne shiunin-kani apa kaye, Yaiyan-kani sakma tuye nisa ruwe ne gusu ne na.

¹⁷ Haita utara anak ne koro ohaita-buri gusu, Shui, koro wen-buri gusu shirikirap ruwe ne.

¹⁸ Nei utara kon ramat anak ne obitta no okai aep etunne; Aige, rai apa karange no araki ruwe ne na.

¹⁹ Nei ita nei utara anak ne yairamkoiki wa Ehoba konishuk, Awa, nei a yairamshitnere-i gusu Shinuma kashiobiuki nisa ruwe ne na.

²⁰ Shinuma anak ne koro itak sange wa nei utara iwangere, Orowa, okai isamka kuni ambe wano ohaitare ruwe ne.

²¹ Aa, nei pirikap gusu hemhem, Utara koro poho otta aki iyokunnure ikip gusu hemhem ainu utara Ehoba koiramye yak humi!

²² Orowa, nei utara iramye kuni ayange kunip yange wa, Shinuma ki ikip shinotcha ani assuru ashte yanro.

²³ Cliip o wa atui orun sap, Poro wakka kata moni ki utara anak ne;

²⁴ Nei utara anak Ehoba ki ikip nukara, Ooho ushi ta Shinuma ki iyokunnurep nukan ruwe ne.

²⁵ Shinuma pawetenge ki wa, Nei riti punire rui rera hopunire ruwe ne.

²⁶ Nei utara kando pakno apunire, shui, ooho an ushi pakno arapte; Wenbe an gusu kon ramat ru ruwe ne.

²⁷ Nei utara atapatap, ihoshki guru korachi omakatet-tereke, Aige, kimatek gusu ramat-sak ruwe ne.

²⁸ Nei ita nei utara anak ne yairamkoiki wa Ehoba konishuk, A wa, nei a yairamshitnere-i gusu Shinuma kashiobiuki nisa ruwe ne na.

²⁹ Shinuma anak ne poro rera ratchire, Aige, nei riri mo ruwe ne.

³⁰ Nei ita nei utara anak ne riri mo wa gusu yaikopuntek; Tambe gusu otta okai rusui tomari ta Shinuma tura ruwe ne na.

³¹ Aa, nei pirikap gusu hemhem, Utara koro poko otta aki iyokunnure ikip gusu hemhem ainu utara Ehoba koiramye yak humi!

³² Utara uwekarapa-i ta Shinuma pasere, Ekashi utara koro set ta Shinuma koiramye yanro.

³³ Shinuma pet ani nup ne itasare, Wakka purpuruge-i ani sat toi ne kara;

³⁴ Uwetukno toi ani shippo-ush nup ne itasare ruwe ne; Tambe anak ne nei otta oshiroma utara koro wenbe gusu an ap ne ruwe ne na.

³⁵ Shinuma wakka mem ani nup itasare Sat toi ani wakka purupuruge-i ne kan ruwe ne.

³⁶ Orowa, nei ushiketa okai kuni ne machiya etoko-oikire gusu, Shinuma ibe-rusui utara oshiromare ruwe ne;

³⁷ Orowa, nei utara piyehe etoita hemhem ki, hat toi hemhem etoita, Aige, ibehe innere kuni kan ruwe ne.

³⁸ Shinuma nei utara nunuke ne yakka ki gusu, poron no auinnere ruwe ne; Samata, koro chikoikip iteki nin kuni ne kan ruwe ne.

³⁹ Shui, nei utara anak ne ausshiunere gusu, aiwende gusu, orowa, aoknatarare gusu, Nin wa aanrapokikan ruwe ne.

⁴⁰ Esapane utara aesapsere, Aine, ru isam nup otta ekeshne apkashte ruwe ne.

⁴¹ Yakka, Shinuma anak ne yairamshitnere ambe wano ri ushiketa irapokkari utara ande, Aine, topaba nei no innere ruwe ne.

⁴² Oupeka utara nei ambe nukara wa yainuchattek kusu ne; Orowa, obitta no okai oheugep anak ne koro paro seshke kusu ne na.

⁴³ Wayashnu guru anak ne tap okaibe esanniyo kusu ne, Aine, Ehoba koro rampoken ramepakari kusu ne na.