Iyohaichish 105 - Ashiri Aeuitaknup Iyohaichish Yona 1897

105. Iyohaichish.

¹ EHOBA koyaiiraige, Shinuma kon reihei orun konishuk yan; Moshiri uirup tumugeta Shinuma ki ikip assuru ashte yan.

² Shinuma orun shinotcha-ki, Shinuma orun ramye shinotcha ki yan; Shinuma iki obitta no okai iyokunnurep ramepakari yan.

³ Shinuma ashkanne reihei gusu yaiyomonnure yan: Ehoba hunara utara koro sambe ritetkere yan.

⁴ Ehoba newa Shinuma kiroro hunara yan; Ramma pakno Shinuma koro nanuhu hunara yan?

⁵ Shinuma ki iyokunnure ikip hene; Shinuma koro iyokunnurep newa paroho sange aesanniyop hene;

⁶ Aa Shinuma uitek guru me Abraham koro sanikiri, Shinuma numge utara ne Yakob koro poho, nei ambe eshkarun yan.

⁷ Shinuma anak ne chikoro Kamui ne Ehoba ne ruwe ne: Shinuma koro aesanniyop anak ne moshiri ebitta ta an ruwe ne.

⁸ Shinuma anak ne ramma pakno koro uitaknup eshkarun nisa; Ashikne shine wan hotne okai ainu ikiri pakno kashpaotte itak eshkarun nisa ruwe ne;

⁹ Abraham otta ki uitaknup newa; Isaak shiyuppa no ye ambe eshkarun nisa ruwe ne;

¹⁰ Orowa, ehui, ekambaktep nei no nei ambe Yakob gusu ashte, Israeru gusu ramma u pakno an uitaknup ne kuni ashte hine,

¹¹ Ene itak-hi:— E orun Kanaan moshiri e kore:ash na, E eikeshkoro kuni ushike ne na.

¹² Nei ita anak ne nei utara moyo ne, Ruwe newa, shi no moyo wa nei moshirita payekai ruwe ne;

¹³ Aige, nei utara uirup orowa mo uirup pakno paye, Shine moshiri wano oya moshiri uirup orun paye nisa ruwe ne.

¹⁴ Nei utara iteki wende kuni ne ki; Ruwe un nei utara gusu moshiri shikkashima utara pakashnu nisa ruwe ne na.

¹⁵ Aige, ene itak-hi:— Ku goro kashi-a-ota utara iteki tomooshma, Ku goro uweingara utara iteki wende yan.

¹⁶ Orowa, moshiri kata keman kuni Shinuma kara; Aige, aep ara isamka nisa ruwe ne.

¹⁷ Nei utara ratchaot Shinuma ainu omande; Awa, Yosep anak ne auitek guru ne kuni ehok nisa:

¹⁸ Shinuma koro chikiri shinkop ani ashirikirapte; Shinkop ani akote nisa ruwe ne na:

¹⁹ Shinuma ki itak auweoma pakno; Ehoba koro itak Shinuma shiruwande nisa.

²⁰ Moshiri shikkashima guru anak ne teshkara wa shinuma pita yara; Uirup utara esapane utara poka, orowa, shinuma honnere nisa ruwe ne na.

²¹ Shinuma kot chisei esapanere, Shui, korobe obitta epunginere nisa:

²² Rengaine moshiri shikkashima utara koro poho kotere, Orowa, ekashi utara wayashnure kuni ne kan nisa ruwe ne.

²³ Israeru ne yakka Echipt moshiri orota ek, Orowa, Yakob anak ne Ham moshiri ta reushi nisa ruwe ne.

²⁴ Orowa, shinuma koro utara shiri ainnere hine, Koro epokba utara kasu no tumashnure nisa.

²⁵ Shinuma anak ne koro utara etunne gusu nei utara koro keutum kirure, Koro uitek utara otta irarare nisa ruwe ne na.

²⁶ Shinuma koro uitek guru ne Mose newa, Anumge a Aaron teshkan nisa.

²⁷ Shinuma anak ne nei utara tumugeta koro shirosh atte, Aige, Ham moshiri ta iyokunnurep iki nisa ruwe ne na.

²⁸ Shinuma kunne-i omande wa shirikunne ne; Awa, nei utara Shinuma ki itak eokbare shomoki nisa ruwe ne.

²⁹ Shinuma anak ne nei utara koro wakka kem ne tasare, Aine, koro chep ronnu nisa ruwe ne.

³⁰ Toi kata otereke-ibe shiri eshikte, Moshiri esapane guru kot tumbu ta okai.

³¹ Shinuma itak, orowa, mosh shiri hetuku, Nei moshirʼebitta uruki ainnere nisa.

³² Apto shirine kaukau ashte, Paraparase abe nei moshiri ta sange.

³³ Koro hat-pungara newa ichijiku chikuni tauge; Orowa, nei moshiri ta okai chikuni kaye nisa ruwe ne.

³⁴ Shinuma itak, aige, patta araki, Apishki eaikap pakno moshpe hetuku,

³⁵ Aine, nei utara koro moshiri ta obitta no okai mun ibe, Toi wa hetuku aep ibe nisa ruwe ne na.

³⁶ Nei moshiri ta obitta no okai nei utara koro kiyanne poho shirikik, Koro kiroro heashiripe shirikik nisa ruwe ne.

³⁷ Shirokani newa kongani koro wa nei utara turare: Nei uirup tumugeta epetchiu guru shinen ka isam nisa ruwe ne.

³⁸ Nei utara paye ita Echipt anak ne nupetne; Nei utara kimatek wa okai nisa ruwe ne gusu ne na.

³⁹ Nei utara kamure guru nishkuru Shinuma pirasa; Anchikarata pekere atte gusu abe ande nisa:

⁴⁰ Nei utara koramkoro, aige, Shinuma pekepkere chikap sange bine, Kando un aep ani eramushinnere nisa ruwe ne.

⁴¹ Shinuma watara maka, orowa, wakka oashin; Pet korachi sat ushike ta mom nisa ruwe ne.

⁴² Shinuma anak ne koro Ashkanne itak newa, Koro uitek guru eshkarun nisa ruwe ne gusu ne na.

⁴³ Orowa, nupetne no koro utara atura, Shinotcha ki wa koro numge utara atura nisa ruwe ne.

⁴⁴ Aige, Shinuma nei utara otta uirup koro moshiri koropare; Awa, nei utara anak ne moshima utara iki ambe eikeshkoro nisa:

⁴⁵ Nei ambe anak nei utara Shinuma koro ekambakbe shikkashima hene ki, Koto tuitak nei no ki kuni an ambe ne. Yah ramye yan.