Iyohaichish 104 - Ashiri Aeuitaknup Iyohaichish Yona 1897

104. Iyohaichish.

¹ AA ku kon ramat, Ehoba ramye yan. Aa ku koro Ehoba ne Kamui, Aokai anak ne shiri pase ruwe ne; Aoripakbe newa nupeki ani Aokai automchiure wa an na.

² Aokai anak ne amip nei no pekere ani yaimire; Puyara otbe korachi kando kotoro shipiraspare ruwe ne:

³ E koro tumbu oma umangi ni wakka otta aande; Nishkuru anak ne koro nishinda ne akara; Bera tekkup kata apkash ruwe ne:

⁴ Bera ani uitekbe ne akara; Koro yaishieiwangere utara paraparase abe ne:

⁵ Ramma pakno iteki moimoyege kuni ne, Moshiri asamaha ande nisa ruwe ne.

⁶ Aokai anak ne amip ani korachi ooho-i ari nei ambe kamure; Wakka anak ne nupuri kashita roshki nisa ruwe ne.

⁷ Aokai kosakayokara ita nei ambe kira; E koro Kamui hum hawe gusu nei ambe chashnu no paye wa isam;

⁸ Nupuri kari nei ambe rikin, pinnai kari rap nisa ruwe ne, Aokai kara ushike orun paye nisa ruwe ne.

⁹ Nei ambe shomo kush kuni Aokai anak ne uturu-ushi ande; Iteki kanna-shui moshiri kamu kuni akan na.

¹⁰ Pinnai otta Shinuma anak ne wakka purupurugere; Iworʼotta nei ambe paye ruwe ne na.

¹¹ Nup otta obitta no okai chikoikip gusu iku ambe ne; Kimta okai roba nei ambe iku ruwe ne.

¹² Nei samaketa rik kush chikap oshiroma wa, Ni-tek tumta hau kon ruwe ne.

¹³ Shinuma anak ne koro kenru orowa no nupuri teineka: Toitoi anak ne E ki ikip gusu eramushinne ruwe ne.

¹⁴ Chikoikip gusu Shinuma anak ne mun shipiraspa, Ainu monraige gusu haru hetukure; Nei ambe anak ne toitoi wano aep sangere kuni gusu an ap ne:

¹⁵ Shui, Ainu keutum ritetkere tonoto, Koro nanuhu hererushte shum, Orowa, ainu sambe tumashnure aep sangere ruwe ne.

¹⁶ Ehoba koro chikuni eramushinne; Shinuma etoita Rebanon un kokaku chikuni ene ani ne;

¹⁷ Chikap anak ne nei ni kata set kara; Sarorun chikap gusu anak, hup ni shinuma kot chisei ne ruwe ne.

¹⁸ Ri nupuri anak ne kim un yangi gusu an ap ne; Watara ushbe anak ne isepo gusu an numne-ushi ne.

¹⁹ Unpa gusu Shinuma kunne chup are: Tokap chup anak koro ahun-i eraman.

²⁰ Aokai anak ne kunne-i kara, orowa anchikara ne; Nei rapoketa nitai un chikoikip obitta apkash ruwe ne.

²¹ Upen shishi anak ne koro aep gusu hawe ashte wa Kamui otta koro aep hunara ruwe ne.

²² Chup hetuku, orowa no nei okaibe paye wa, Koro chisei ta hotke.

²³ Aige, ainu anak nepki gusu arupa. Onuman pakno koro monraige ki ruwe ne.

²⁴ Aa Ehoba, E ki ikip nep inne humi! Wayashnu no Aokai obitta kan nisa: Moshiri anak ne E korobe ani eshik ruwe ne.

²⁵ Toanda anak ne atui an, poro newa sep, Nei oshiketa reye okaibe shiri inne ruwe ne, Poro chikoikip newa pon chikoikip newa okai ruwe ne na.

²⁶ Nei kata chip paye; Otta shinot gusu e kara nei poro Repiatan okai ruwe ne.

²⁷ Nei okaibe anak ne pakihi epa ita ae kuni aep uk gusu. Aokai otta eyaikopashte ruwe ne.

²⁸ Aokai kore okaibe nei ambe uina; E koro tekehe E pirasa chiki pirikap gusu eramushinne ruwe ne.

²⁹ E nanuhu E nuina yakne nei okaibe yairamkoiki; Koro heisei mawe E uk koro rai, Aige, koponchi ne ruwe ne.

³⁰ Aokai anak ne ramat sange, orowa, nei okaibe akara; Toitoi kurukashi Aokai ashinno kan ruwe ne.

³¹ Ehoba araguru otusashuishiri pakno an; Koro ki ikip gusu Ehoba nupetne kusu ne:

³² Shinuma moshiri orun ingara, aige, nei ambe tusushke; Shinuma nupuri tomooshma, orowa, shupuya at ruwe ne.

³³ Ku ishu pakno Ehoba otta shinotcha ku ki kusu ne: Ku an pakno ku goro Kamui ku iramye kusu ne na.

³⁴ Ku yaikoshiramsei-i anak ne Shinuma gusu shisakbe ne: Ehoba otta ku nupetne kusu ne na.

³⁵ Katpak-ki utara moshiri wano aisamka, Wen utara te wa isam kuni ne ki wa un kore. Aa ku kon ramat, Ehoba ramye yan. Yah reika yan.