Iyohaichish 103 - Ashiri Aeuitaknup Iyohaichish Yona 1897

103. Iyohaichish.

Dabid karape.

¹ AA ku ramat, Ehoba nunuke yan; En onnaigeta okaibe obitta Shinuma kon reihei nunuke yan.

² Aa ku ramat, Ehoba nunuke yan, Obitta no okai Shinuma sange epirikarep iteki oira yan.

³ Shinuma anak ne obitta no okai e koro wen-buri tusare; Obitta no okai e koro shiyeye iwangere;

⁴ Orowa, nei shui gusu e koro inotu kikiraye; Omap-an-ramuhauge-hi newa rampoken e sapa kata ande ruwe ne.

⁵ Pirikap ani e koro paroho eramushinnere; Aige, kapachiri chikap nei no e upente ruwe ne.

⁶ Ehoba anak ne oupeka ambe iki, Orowa, aeramunishte akore utara gusu esanniyop iki ruwe ne.

⁷ Shinuma anak ne Mose otta kon ruhu eramande, Israeru un utara otta koro ki ikip eramande nisa ruwe ne.

⁸ Ehoba anak ne chishikiraine eshik wa irenga sange Kamui ne, Irushka moire wa nuye an no rampokiwen wa kore

⁹ Shinuma ramma pashirota shomoki; Shui ramma pakno irushka shomoki kusu ne.

¹⁰ Chikoro katpak am nei no un orun shomo ki nisa, Chikoro wen-buri nei no un kore shomoki nisa ruwe me.

¹¹ Inambe gusu ne yakun; moshiri kashita kando anak su ne ri korachi, Shinuma koishitoma utara gusu Shinuma: koro rampoken poro ruwe ne.

¹² Moshiripa wano moshirigesh anak ne ehangeko no an korachi, Nei oro pakno chikoro ohaita-buri Shinuma oyakta ande nisa ruwe ne.

¹³ Michihi anak ne koro poho utara chishikiraine korachi, Ehoba anak ne Shinuma koishitoma utara chishikiraine ruwe ne.

¹⁴ Shinuma anak ne chikoro tumama-niye eraman; Chi utara anak ne koponchi ne sekoro eshkarun ruwe a ne.

¹⁵ Ainu gusu anak, Shinuma toho mun ukorachi ne; Nup un nonno korachi Shinuma shipirasai ruwe ne.

¹⁶ Nei kashiketa rera kush, aige, nei ambe isam; An a ushiketa anak ne waa isam ruwe ne kusu ne na.

¹⁷ Koroka, Ehoba koro rampoken anak otusashuishiri wano otusashuishiri pakno Shinuma koishitoma guru kata an, Orowa, Shinuma koro oupeka ambe anak ne nei utara koro santek koro poho utara otta an ruwe ne;

¹⁸ Tambe anak ne Shinuma ki uitaknup bene ki, Shinuma ipawetenge shikkasbima kuni eshkarun hene ki utara otta nei no an ruwe ne.

¹⁹ Ehoba anak ne kando otta koro amset ande nisa; Orowa, Shinuma koro epungine mondum anak obitta no okaibe esapane ruwe ne.

²⁰ Kora itak hawe inu wa, Nei itak nei no ki kiroroashnu wa tumashnu Kamui Uitekbe Ehoba ramye yan.

²¹ Ehoba koro topaha utara, Shinuma irenga ki wa otta yaishieiwangere utara, Ehoba ramye yan.

²² Shinuma esapane ushiketa okai Shinuma ki ikip obitta Ehoba ramye yan: Aa ku kon ramat, Ehoba ramye yan.