Iyohaichish 102 - Ashiri Aeuitaknup Iyohaichish Yona 1897

102. Iyohaichish.

¹ AA Ehoba, ku ki inonno-itak nu wa en kore, Ku ashte hawe E orun arakire wa en kore.

² Ku yairamkoiki toho ta iteki E nanuhu seshke: En orun e koro kisaraha itutanure wa en kore; Hawe ku ashte toho ta chashnu no nu wa en kore.

³ Ku toho anak ne shupuya nei no nin wa isam, Abe-kes korachi ku pone anak ne uhuyeka ruwe ne gusu ne na.

⁴ Mun korachi ku sambe ashirikik wa shumumge; Aep ibe kuni ku oira ruwe ne gusu ne na.

⁵ Nuwap ki hawe ku ashte gusu Ku pone anak ne ku kamihi otta kotuk ruwe ne,

⁶ Nup otta okai chipta-chikap ukorachi ku ne; Nitai-sak ushiketa an ahunrasambe nei no ku an ruwe ne na.

⁷ Shiruwe ku ki wa, chisei kitaigeta an Shinep ne po an amam-e-chikap korachi ku ne ruwe ne.

⁸ To ebitta en epokba utara en esapse; En etunne utara en gusu iyoitakushi ki ruwe ne.

⁹ Aep korachi uina ku ibe nisa, Ku chish nupe iku ambe tura ukopoyege ruwe ne.

¹⁰ Aokai kinrakara wa irushka gusu nep ne: Aokai en uk wa en osura nisa ruwe ne gusu ne na.

¹¹ Ku toho anak ne nin korʼan kurihi korachi ne; Mun korachi ku shumumge ruwe ne na.

¹² Koroka Aokai anak, Aa Ehoba, ramma pakno rok; E koro aeshkarunbe otusashuishiri pakno an ruwe ne.

¹³ Aokai anak ne hopuni wa Zion erampokiwen wa kore kusu ne; Shinuma orun irenga kore pakihi tane an, ruwe un, nei epa kuni pakihi ek wa an ruwe ne gusu ne na.

¹⁴ E koro uitek utara anak ne shinuma koro shuma enupetne, Orowa, shinuma koro koponchi gusu irenga sange ruwe ne gusu ne na.

¹⁵ Tambe gusu, moshiri uirup utara anak ne Ehoba kon reihei koishitoma, Obitta no okai moshiri shikkasbima utara anak ne E koro nupeki koishitoma kusu ne na.

¹⁶ Ehoba anak ne Zion kanna kara, Koro nupeki otta yainukare nisa;

¹⁷ Otek-sak guru ki inonno-itak nu, Koro inonno-itak shomo etunne nisa ruwe ne.

¹⁸ Tambe anak ne ek kusu ne ainu ikiri gusu anuye kusu ne: Orowa, akara kusu ne uirup YAH koiramye kusu ne na.

¹⁹ Shinuma anak ne koro ashkanne ri ushike wano herashi ingara; Kando wano Ehoba anak ne moshiri nukan nisa ruwe ne gusu ne na;

²⁰ Ipakashnu chisei ta an guru ki tanne heisei nu; Aronnu kuni aesanniyo utara honnere gusu aki na;

²¹ Tambe anak Zion oshiketa Ehoba kon reihei assuru ashte, Yerusarem ta Shinuma ramye kuni gusu an ambe ne;

²² Nei ambe anak ne Ehoba otta yaishieiwangere gusu, Utara newa moshiri uirup utara uwekarapa ita aki kusu ne na.

²³ Shinuma anak ne ru hontomota ku kiroro shirikirapte; Ku toho taknere nisa ruwe ne.

²⁴ Ene ku itak-hi, Aa ku goro Kamui, ku toho tumuge wano iteki en uk: E paha anak ne otushashuishiri wano otusashuishiri pakno an ambe ne.

²⁵ Fushkotoita Aokai anak ne moshiri asamaha ande nisa; Orowa, kando ne yakka E tekehe karape ne ruwe ne.

²⁶ Nei ambe isam kusu ne, koroka, Aokai anak ne an kusu ne: Ruwe un, nei okaibe obitta amip korachi fushko ne; Amip korachi Aokai anak ne nei ambe itasare kusu ne, aige, nei ambe aitasare kusu ne na:

²⁷ Koroka, Aokai anak ne ramma ukorachi ne, Orowa, E paha anak ne aokere shomoki kusu ne na.

²⁸ E koro uitek utara koro poho ramma okai, Nei utara koro sanikiri E tek-samata aare kusu ne na.