II Timoteos 3 - Ashiri Aeuitaknup Iyohaichish Yona 1897

3 Ik.

¹ Koroka, tambe onnere yan, okese an toho ta hokamba pakihi ek kusu ne.

² Inambe gusu ne yakun, utara anak ne yai-omap utara ne kusu ne, ichen omap utara ne kusu ne, yaiomonnure ki, shitumkanere, Kamui koatcha hemhem ki, eshikop epeka itakkashi,

³ shomo yaiiraige an no okai, turu-ushbe,

⁴ omap ki keutum sak, utara epokba, yaishikkashima eaikap, niwen, pirikap shomo koomap, ainu ekoshi,

⁵ koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

⁶ tap okai utara wano eyaishishire yan. Tap okai utara wano usa chisei orun reyepa ahup hine chikokatpak sei ehaita shiwentep tek-pashte, usa okai wenbe ki rusui keutura an gusu aani,

⁷ ramma eyaihannokkara, koroka, ramma sonep eraman kuni pakno epa eaikap utara ne ruwe ne Orowa,

⁸ Yannes newa Yambres anak ne Mose shisamchashnure korachi, tan utara ne yakka sonep shisamchashnure ruwe ne; keutum munin utara ne wa eishokor-i gusu yaikoemakbap ne ruwe ne.

⁹ Koroka, nei utara anak ne tewa no naa iki shomoki kusu ne: inambe gusu ne yakun, nei tun iki ohaita ambe anak ne obitta no okai utara shik-samata anukara wa an korachi, nei utara gusu an orushpe ne yakka anukara kusu ne gusu ne na.

¹⁰ Koroka, aokai anak ne ku epakashnu ambe, ku iki buri, ku keutum, ku eishokor-i, ku ramu-shiporore ambe,

¹¹ ku omap ambe, ku yaiyupupu ambe, a en epokba ambe, aeyairamshitnere ambe e ikoisamba nisa ruwe ne; Antiok kotan ta, Ikoniom kotan ta, Rustra kotan ta en gusu nep okaibe hetuku ya; nep aepokba ambe ku eyaishiporore ya: aige, obitta nei okaibe orowa no Utarapa en ohaitare nisa ruwe ne.

¹² Ruwe un, inan guru ne yakka Kiristo Yesu oshiketa Kamui kooripak an no ishu kusu ne sekoro ramuoshitchiu gurʼanak ne aepokba kusu ne.

¹³ Koroka, wen utara newa tusu ikichi utara uwepaketa wen ne kusu ne, aine, moshima guru kokandama hemhem ki,

¹⁴ yaikota akokandama aiki kusu ne na. Koroka, eani anak eyaihannokkara okere okaibe, sonep ne sekoro e eraman okaibe shikkashima yan, aige, inan guru otta eani nei okaibe eyaihannokkara ya eraman no okai yan;

¹⁵ orowa, Kiristo Yesu oshiketa an eishokor-i ankushkerai kashichiobiuki gusu e wayashnure eashkai Ashkanne kambi ponram orowa no e eraman ruwe ne na.

¹⁶ Nep Ashkanne kambi ne yakka obitta Kamui pariri, aige, epakashnu gusu hemhem, shirosh ne gusu hemhem, oupekare gusu hemhem, oupeka an ambe epeka pakashnu gusu hemhem epirikare ambe ne:

¹⁷ Kamui koro ainu anak ne aeramushinne no an wa nep pirika ikip gusu irammakaka etokooiki an kuni gusu ne na.