II Tessaronike 3 - Ashiri Aeuitaknup Iyohaichish Yona 1897

3 Ik.

¹ Orokeseta, iriwak utara, echi tumta korachi poka, Utarapa koro itak shipiraspa wa anupekte kuni ne,

² un gusu inonno-itak ki wa un kore; samata, sambe oheuge newa wen utara orowa no chi utara aouhaitare kuni ne inonno-itak yan; obitta no okai utara anak eisbokor-i atte shomoki ruwe ne gusu ne na.

³ Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

⁴ Orowa, echi kashpaotte ash okaibe echi iki shiri okai sekorobe hemhem, echi iki kusu ne sekorobe ka hemhem, echi utara gusu Utarapa oshiketa eishokoro ash ruwe ne.

⁵ Utarapa anak ne Kamui omap-i otta hemhem, Kiristo gusu an yaiyupupu ambe otta hemhem echi koro sambe tura kuni akoramkon na.

⁶ Orowa, iriwak utara, un orowa no akoropare oina korachi shomoki wa uottumashi apkash pishno okai iriwak wano yai-shishire kuni, chikoro Utarapa ne Yesu Kiristo kon reihei ankushkerai echi kashpaotte ash na.

⁷ Inambe gusu ne yakun, echi utara anak ne un eikoisamba kunip ne sekoro echi yaikota eraman ruwe ne: chi utara yaikota anak ne echi tumugeta okai rapoketa uottumashi ki ka shomoki nisa ruwe ne gusu ne na:

⁸ samata, oro sange shomoki no inan guru koro aep shomo chi e, koroka, echi tumuge un inan guru ne yakka iteki airamukurukuru kuni ne tokap ne yakka anchikara ne yakka monraige wa nuwap nisa ruwe ne:

⁹ shomo uk kuni utara cbi ne wa gusu an ambe shomo ne, koroka, echi utara anak un eikoisamba kuni ne, echi gusu aikoikarabe ne yaikara nisa ne ruwe ne a ambe ne na.

¹⁰ Inambe gusu ne yakun, echi tumugeta okai ash rapoketa, tambe ikashpaotte ash nisa ruwe ne; — Inan guru ne yakka shomo monraige yakun, shinuma iteki ibe yak pirika.

¹¹ Inambe gusu ne yakun, echi tumugeta uottumashi iki hine pon no ka shomo monraige, koroka, katukari utara okai sekoro chi nu ruwe ne gusu ne na.

¹² Tane nei no okai utara mo no monraige wa yaikota koro aep ibe kuni ne Utarapa ne Yesu Kiristo oshiketa onishnishi wa kashpaotte ash ruwe ne.

¹³ Koroka, echi utara gusu anak, iriwak utara, pirikap iki gusu iteki shingi yan.

¹⁴ Nen ka tan kambi kata anuye wa an chi ki itak koitaknu shomoki guru an chiki, nei guru shirosh omare yan, aige, iteki echi aeyainikoroshmare kuni ne shomo shinuma tura yan.

¹⁵ Yakka aepokba kuni guru ne sekoro iteki esanniyo, koroka, iriwak ne guru nei no epakashnu yan.

¹⁶ Nei ta pakno nei wa ne yakka itomo koro Utarapa yaikota echi orun itomo irenga sange kuni akoramkoro. Utarapa obitta no okai echi utara tura no an kuni akoramkon na.

¹⁷ Pauros ne kuani anak ne yaikota koro teke ani ekap an itak nuye na, nei ambe anak pishno ku sange kambi kata ku goro shirosh ne: nei no ku nuye ruwe ne.

¹⁸ Chikoro Utarapa ne Yesu Kiristo korʼirenga obitta no okai echi utara tura no an kuni akoramkon na.