II Tessaronike 1 - Ashiri Aeuitaknup Iyohaichish Yona 1897

1 Ik.

¹ Pauros newa Sirounos newa Timoteos anak ne chikoro Michi ne Kamui newa Utarapa ne Yesu Kiristo oshiketa an Tessaronike kotan un karisia otta kambi omande na;

² Michi ne Kamui newa Utarapa ne Yesu Kiristo orowa no irenga newa itomo echi gusu an na.

³ Iriwak utara, oupak an no korachi ramma-kane echi utara gusu Kamui koyaiiraige ash kunip ne, echi iki eishokor-i nuye an no shukup, samata, uwe-utashpa pishno echi iki omap arabe echi obitta gusu aporore wa an ruwe ne gusu ne na;

⁴ obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

⁵ tambe anak ne Kamui oupeka an koipishi gusu an anukara shirosh ne; gusu ka echi ramushitne hine Kamui moshiri uina kuni oupak no okai utara echi ne sekoro echi esanniyo an kuni gusu ne na:

⁶ Kamui erampeutek utara newa chikoro Utarapa ne Yesu Kiristo koro pirika shongo

⁷ koitaknu shomoki utara koikemnu hine paraparase abe oma koro kiroro un hauturumbe utara tura kando wano ek Utarapa ne Yesu anukara ita echi ramuchuptekka

⁸ utara epeka tasa iramuchuptekka wa kore ambe hemhem, aeramchuptekka wa okai echi utara un tura no asbinire arabe hemhem anak ne Kamui tek-samata oupeka ambe ne nangon na:

⁹ Shinuma anak koro ashkanne utara onnaigeta anupekte hemhem ki, orowa, nei toho ta (echi nure ash paweteshu ambe aeishokoro okere gusu) obitta no okai eishokoro okere utara orowa no aenushkari kuni gusu ek hemhem ki ita, nei utara anak ne apachigoatte kusu ne,

¹⁰ Utarapa koro nanuhu newa Shinuma koro kiroro oma nupeki orowa no otusashuishiri pakno akoisamka kusu ne na.

¹¹ Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

¹² tambe anak chikoro Kamui irenga newa Utarapa ne Yesu Kiristo an nei no, Chikoro Utarapa ne Yesu Kiristo kon reihei echi oshiketa, samata, echi utara Shinumaoshiketa anupekte kuni gusu an ambe ne ruwe ne na.