II Petros 1 - Ashiri Aeuitaknup Iyohaichish Yona 1897

1 Ik.

¹ Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

² kambi omande na: Kamui newa chikoro Utarapa ne Yesu eraman-i otta irenga newa itomo echi gusu aporore na;

³ yaikota koro nupeki newa pirika ambe ani un takbe eraman-i gusu, koro Kamui oma kiroro anak ne inotu newa Kamui ko oripak-i otta an obitta no okaibe un koropare nisa;

⁴ tambe gusu, Shinuma anak ne koro aoshkoro newa shi no poro uitaknup un koropare nisa; tap okaibe ani, echi utara anak ne ibeporore ambe gusu moshiri otta okai muninbe orowa no ohaita okere wa, Kamui oma oibe echi orota akoropare kuni gusu an ambe ne ruwe ne.

⁵ Ruwe newa, tapan ikkewehe an gusu obitta no okai yuptek-hi echi kashiomare yan, echi ki eishokor-i otta pirika ambe iyo; orowa, pirika ambe otta eraman-i iyo;

⁶ orowa, eraman-i otta yaishikkashima ambe iyo; orowa, yaishikkashima ambe otta yaishiporore ambe iyo; orowa, yaishiporore ambe otta Kamui ko-oripak ambe iyo;

⁷ orowa, Kamui ko-oripak ambe otta iriwak utara kokatairotke ambe iyo; orowa iriwak utara katairotke ambe otta omap ambe iyo yan.

⁸ Inambe gusu ne yakun, tap okaibe echi korobe ne wa nuye an chiki, chikoro Utarapa ne Yesu Kiristo eraman-i otta shomo toranne,

⁹ shomo ibehe sak no echi kara an na Inam-be gusu ne yakun, tap okaibe sak guru anak ne shiknakbe ne, koro fushko katpak aashkannere-hi oira wa ouse ehange no an ambe nukan ruwe ne gusu ne na.

¹⁰ Tambe gusu, iriwak utara, echi atak an ambe newa anumge an ambe anak ne atumashnure kuni ne naa shiarikiki no kara yan: inambe gusu ne yakun, tap okaibe echi kara chiki, ramma pakno shomo echi ureepetchiu kusu ne na:

¹¹ orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

¹² Tambe gusu, tap okaibe echi eraman, samata, echi tura an sonep orota echi roshki wa okai yakka, tap okaibe echi eshkarunde kuni ne ramma-kane ku etoko-oiki wa an ruwe ne kusu ne na.

¹³ Orowa, chikoro Utarapa ne Yesu Kiristo en epakashnu korachi, ku goro kash oyakta ande-i tunashi no ek na, sekoro,

¹⁴ ku eraman hine kuani anak ne tan kash orota an wa, an pakno echi eshkarunde wa echi keutum paraparasere kuni-hi pirika ruwe ne sekoro ku esanniyo ruwe ne na.

¹⁵ Ruwe ne wa, ku isam okaketa ramma-kane tap okaibe echi eshkarun eashkai kuni ne shiarikiki no ku ki kusu ne na.

¹⁶ Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.

¹⁷ Inambe gusu ne yakun, Shinuma orota, — Tambe anak ku omap, shi no ku enupetne Poho ne ruwe ne, sekorʼan nepkoro hawehe son no tomte no an nupeki wano ek ita, Shinuma anak ne Michi ne Kamui orowa no aeoripak-i newa nupeki akore nisa ruwe ne gusu ne na:

¹⁸ orowa, chi utara anak ne Shinuma tura nei ashkanne nupuri ta okai ita, tan hawehe kando wano asange-hi chi nu nisa ruwe ne.

¹⁹ Orosama, naa atumashnure wa an uweingara itak chi koro; orowa, kunne-nisat hetuku pakno, echi koro keutum ta tokap-nochiu hetuku pakno, kunne ushiketa nupeki atte ratchako ne-hi korachi, nei ambe gusu echi yaitubare chiki pirika na:

²⁰ hoshike no tambe onnere yan, Kamui Kambi kata obitta no okai uweingarape anak ne rengaine gusu apita kuni ambe shomo ne ruwe ne.

²¹ Inambe gusu ne yakun, nep uweingarape ne yakka ainu rengaine gusu asangep shomo ne: koroka, utara anak ne Ashkanne Ramat ani apariri wa Kamui orowa no chiitakte nisa ruwe ne gusu ne na.