II Korintos 8 - Ashiri Aeuitaknup Iyohaichish Yona 1897

8 Ik.

¹ Nei samaketa, iriwak utara, Makedonia moshiri ta okai karisia utara otta akore okere Kamui irenga echi nure ash nisa;

² awa, nei utara poron no aeramchuptekka gusu auwande rapoketa shi no nupetne, aige, nei utara son no irapokkari ne a yakka nuye an no aeoteknup gusu ne a an na.

³ Inambe gusu ne yakun, tambe epaweteshu ku ki-hi; — Nei utara kiroro an pakno, ruwe un, kiroro eikaun pakno rengaine iki nisa,

⁴ kurukashike tap irenga gusu hemhem, utura ashkanne utara otta yaishieiwangere kuni gusu hemhem poron no un koramkon nisa ruwe ne:

⁵ aine, nei no iki wa chi utara chipachipa ash korachi shomo ne, koroka, hoshike no yaikota Utarapa otta yaikoropare, orowa no Kamui irenga gusu un otta yaikoropare nisa ruwe ne na.

⁶ Etoko wano Titus anak ne eatpake ki korachi shinuma echi oshiketa tan irenga ne yakka eramushinnere kuni ne chi utara shinuma onishnishi pakno ne ruwe ne.

⁷ Koroka, eishokor-i gusu hemhem, itak gusu hemhem, eramushbe gusu hemhem, yuptek no iki ambe gusu hemhem, un omap kuni ambe gusu hemhem, orowa nep ne yakka gusu hemhem echi nuye an no okai ruwe ne korachi, tambe nei no tan irenga gusu ne yakka nuye an no okai kuni ki wa en kore.

⁸ Ipawetenge nepkoro an no shomo ku itak, koroka, moshima okai utara yuptek no iki ambe ankushkerai echi koro omap-hi sonep ne yakka ku sonnere ruwe ne.

⁹ Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

¹⁰ Tata otta esanniyop ku sange na: shine pa etokota hoshiki no heashire echi utara anak ne ouse iki ambe gusu patek shomo ne, koroka, keutum atte ambe gusu ne yakka, echi ki kunip ne ruwe ne.

¹¹ Koroka, tane nei iki kuni ambe eramushinnere yan; keutum atte wa iki rusui sambe an nei no, echi ki kat an korachi, nei no eramushinnere kuni gusu ne na.

¹² Inambe gusu ne yakun iki rusui sambe an yakun, ainu koro korachi aesanniyo ruwe ne, shomo koro nei no aesanniyo shomo ki ruwe ne.

¹³ Koroka, moshima okai utara asbinire wa echi eyairamchuptekka gusu nep shomo ne: koroka, uwreerepak no an ambe ne gusu an ap ne ruwe ne;

¹⁴ tane an echi koro nuye an no an ambe anak ne nei utara eikohayep upakte ruwe ne, nei utara koro nuye an no an ambe ne yakka echi eikohayep upakte ruwe ne; uweerepak no an ambe an kuni gusu ne ruwe ne na:

¹⁵ ene chieshinnuye wa an korachi an na :— Poron no eumashnu guru anak ekashimap pon no ka shomo koro, orowa, pon no eumashnu guru gusu eikohayep isam ruwe ne.

¹⁶ Koroka, nei ukorachi an echi utara gusu seisek no iki rusui keutum Titus koro sambe ta omare Kamui otta koyaiiraige an na.

¹⁷ Shinuma son no poka chi ki onishnishi-hi inu, koroka, shi no seisek keutum koro wa an gusu, yaikota rengaine echi orun oman nisa ruwe ne.

¹⁸ Orowa, obitta no okai karisia tumta pirika shongo gusu iramye assuru-hu koro iriwak shinuma tura omande ash okere ruwe ne;

¹⁹ nei ambe patek shomo ne, koroka, Utarapa koro araguru gusu otta chi utara yaishieiwangere ash tan irenga ankushtapne un tura no payekai wa chi ki rusuibe echi nure kuni ne karisia utara orowa no ne yakka anuye nisa ruwe ne:

²⁰ samata, inan guru ne yakka otta chi yaishieiwangere ash nuye an no ambe gusu iteki un kokatpakte kuni iki koro an:

²¹ inambe gusu ne yakun, Kamui shik-sam patek shomo ne, koroka, utara shik-samta ne yakka pirika okaibe eyaikoshiramshuiba ash ruwe ne gusu ne na.

²² Shui, inne okaibe gusu kanna-kanna seisek keutum koro kunak echi uwande chikoro iriwak nei utara tura no payere ash ruwe ne, aige, tane shinuma anak ne naa shi no seisek keutum koro, echi utara gusu shiri poron no eishokor-i atte wa an ruwe ne gusu ne na.

²³ Titus gusu uwepekennu guru an chiki, shinuma anak echi utara gusu en tura no iki wa monraige korʼan ruwe ne; chikoro iriwak utara gusu echi uwepekennu chiki, nei utara anak karisia utara koro apostoro utara ne, Kiristo koro araguru ne ruwe ne.

²⁴ Tambe gusu, karisia utara kotchaketa nei utara otta echi ikichi omap ambe hemhem, echi utara gusu chi ki yaiomonnure ambe ika hemhem nukare wa en kore yan.